R.I.P : Chin Mi Chungin Rev.Dr Pakhat Nih A Kan Liam Tak Than E Apoi Hringhran Ko Mu

Rev. Dr. Khai Khan Suan(Saya Khai Suan) a thi timi “Chin Global News” ah ka rel. Saya Khai Suan hi ka saya a si. Ka pa zong a si. A chungkhar Bawipa nih hnem ko hna seh.

1980 ah Tonzang ah phung a rak chim. Culio ah crusade, campign ti a rak um rih lo. Baptist nih phungchim an rak sianh lo caah mi inn ah a rak chim. A rak laar tuk i, mi nih an ceih tuk caah zankhat ka vai pum ve. Jocab le Esau kong a chim. Esau ram a vaih karah Jacob nih a pa thluachuah a co kanh timi kong a chim. A phungchim nih khua zaza a ka ruahter. A cu zan lawng a si lo. A zarhzarh le a thlathla in khua a ka ruahter. Cu hnu lawnglawng ah Pathian dawtnak timi le khamhnak timi hi fiang pup in ka pemh ve.

Saya Khai Suan hi kebei a si. Tiddim ah AG Khrihfabu a chuahpitu hi Rev. Dr. Hau Lian Kham(tleicia) le a mah an si. Phungchim a thiam taktak. Laimi phungchim thiam timi ah mi hmasa a si. Saya Khai Suan, mangṭha! By.Perhkalh

Thawngpang dang : Mizoram Cozah Chinmi Phun An Dawtnak Hi A Sang Hringhran An Thil Tuahmi Ai Dawh Tuk

Kawlram pi a buai tuk ruangah Mizoram ah a zaam mi hna kawlram mipi pawl cu tu lioah cyn umnak taktak ngei loin a remremnak paoh ah an chiah rih hna i an caah umnak ding a rem mi tuah piak an si lai tiah ralzaam buai pi tu hna nih cun bia an chuah.

Kawlram ralzaam mi an umnak ding hmun cu Mizoram Champhai District Zawlsei khua ah a si.Zawlsei khua cu a hlanah Selesih Sangsarih khua tiah Mizoram Khuapi hmasa bik a rak si. Tuah cun Zawlsei khua tiah uah a si cang i Khuabung le Khuangthing khua karlak ah um mi a si.

An khua ah khrifabu pakhat Presbyterian khrifabu lawng a um. An khuachungah hin inn 105 hrawng an um tiah theih a si. An khua hmunrawn kau pi ah ralzaam pawl umnak ding hmunpi cu thenhfel an thok cang i an thianhfel khawh bakin ralzaam pawl umnak ding buaipi colh te ding tiah timhlamhnak an ngei.

Tu lio ah hin kawlram ralzaam mi cu Mizoram ah 9000 reng lo an um tiah MZP President Pu Vanlaltana nih cun a chim i hi zat ciah timi tu hi cu ralzaam chung zongin a tlungthan mi le a rak ra tharmi an um pah tawn ruangah felfai tak cun kan thei kho tuk rih lo tiah a chim.

Leave a Reply

Your email address will not be published. Required fields are marked *