Press "Enter" to skip to content

Pu Kim A Thangchiat Tu Minung 5 Cu Meithal In Thi Lak In An Kah Hna

North Korea ram hruaitu Kim Jong-Un a thangchiat tu minung 5 an thah hna tiah DailyNK thawngthanh nak ah cun an langhter. Economic Ministry i riantuan mi an si ih Kim Jong-Un nih a ram chung a riantuan ning cu an soisel.

vawlei cung ah sipuaizi lei in a chiat bik nak ram a si ning le, ramdang mi he i pehtleih nak nei bu in riantuan ti hna uh sih law, an ram an thancho deuh ding biapawl dinner party an neihnak ah an chim.

Kim Jong-Un sin ah an chim khawh bak cun, an 5 in an kawh hna i meeting an nei, an biachim mi pawl vialte cu an phuan ter dih hna hnu ah an tleih hna i, meithal in thilak in an kah hna hi a si.

North Korea ramchug i thil a cang mi cu, vawlei cung khuaza ram kip nih an theih khawh lo caah, a tu lawng ah hin, an phuan. An thah mi hna minung pa 5 pawl i an chungkhar hna zong cozah dohkalh tu pawl umnak Yodeok, political camp ah an chiah ve hna tiah thawngtheih a si.

Kim Jong-Un a bawi hnu kum 2-nak ah a pate Jang Song Thaek a tha colh. an rampi cawlcangh nak a doh tu a si tiah an tleih i 2013 kum ah a pate cu a thah. Jang Song Thaek an thah dan cu a phunphun in an chim i mi ṭhenkhat nih taklawng in an umter hnuah uico an eiter an ti.

Asinain, US President Donald Trump nih amah tuanbia a tial tu Bob Woodwoard sin ahJang Song Thaek cu a lu an tan i North Korea ram hruaitu pawl i zoh khawh dingin thaten an chiah tiah a chim. (Daily Mail)

Credit : Meifar

Be First to Comment

Leave a Reply

Your email address will not be published. Required fields are marked *