Pound 1 Million A Lucky I Nu 87 Sualpinak Ah A Hman Dih

England ram ah a ummi Matt Myles cu lottery (tthi) ah sterling pound 1 million a lucky caah vawlei cung ram kip tlawng ding in a caan cu dihter a timh. Lottery ah lucky a ngahtu Matt Myles hi nupi ngei cia a si i a nupi hi gym ah Matt Myles ruahn a cheutu a si. A luckymi phaisa vialte cu a mah bia chahnak in vawlei cung ram zakip tlawnnak ah a hman. Sinain a tak tak ahcun a va tlawnnak ram ah ai zuarmi hlawhhlang nu kip he sual ttinak caah a phaisa cu a hman chih hna.

Ram khat hnu ram khat ai tthial i a hmailei ca tuaktan timi um loin hlawhhlang nu kip cu a sualpi hna. Hlawhhlang nu hmanh ah a man sangmi lawngte cu ai thim hna i voi 1 sualpi ah hlawhhlang nu 3 in hlawhhlang nu 5 te hna cu a sualpi hna. Cun hotel man sang ah a um i eidin thaw thaw le zan thawh cahnak tirawl cu a ei hna. Chun ah a eimi tirawl le vitamin ttha ttha pawl cu zan ah hlawhhlang nu pawl a pek dih hna.

A duh tawk in a sual i a phaisa cu a hman dih hnu ah England ram ah a rak kir tthan i a nupi he an sual tti tthan. A nupi nih cun a va a simi Matt Myles a thil ttha lo tuahmi cu a thei loh i caan sau nawn khual a tlawngmi a pasal cu a rak ngai tuk ve caah lung tho tein nuva nuamhnak cu ai tuahter. Sinain Matt Myles cu hlawhhlang nu 87 he an rak sual cang caah duh ning in a nupi cung ah a cawlcang kho ti loh. Mah cu thawk cun a nupi nih a lunghrinh pah cang.

Ni tlawmpal a rau ah Matt Myles nih a rak sualpi balmi hlawhhlang nu nih message chung in Matt Myles cu leiba a rak hal. Cu kong cu a nupi nih a theih i bia tak tein siknak a chuak. A donghnak ah bia ceih zung ah an chuak ve ve i pakhat le pakhat cu sual an i puh ve ve. Matt Myles a palh a si timi cu a fiang ngai ngai nain a phaisa cu a mah duhnak zawn ah hmannak nawl a ngei ve caah dan an tat kho loh. Sinain bia ceih zung hna hnawhnak an pek caah an nuva in bia ceih zung nih phaisa an cawiter hna lai tiah theih a si.
Ref:Mirror

Be the first to comment

Leave a Reply

Your email address will not be published.


*