Press "Enter" to skip to content

Poi Taktak Si : Lumbang Khua Pawng Ah Chin Taung Tann Bus Accident I Spear Fak Tuk In Aa Hliam

Kalay in a rak kai mi Chin Taung Tann bus cu nihin February 14 chun 12:00 ah aa let i motor spear a ke kiak tiah kan theih.

“Kalay in a rak kai mi a si. Chin Taung Tann bus thil a phur mi a si. A chung ah minung pathum an i cit. Lumbang khua phanh lai ah a break a lanh (poh) ca ah lamthlang ah ka zuang sual lai ti a phan ca ah lamchaklei ah a kuaih. Diltlang a pah i lamlai ah aa let,” tiah a hmun ah a phan mi khualtlawng Run Za Nuam nih The Hakha Post ah a chim.

“Aa khawng mi spear pa cu Falam sii-inn ah an tliikpi. A dang cu fak in i khawn dawh an si lo, an zohkhenh cuahmah hna lio a si,” tiah a cunglei sin in kan theih.

Hi bus hi thilphur mi a si i, khualtlawng motor le minung nih an bawmhchanh cuahmah lio a si tiah kan theih. hakhapost

Thawngpang dang relchap >>>>>

Thawngpang Chia Taktak : Kawl Ram Ah Coronavirus A Ngeimi Mizaw A Tu Tiang Ah Hin

A tu tiangah a damhnak sii ai an ser kho rih lomi China ram in ai semmi coronavirus hi ttih a nung taktakmi a si i a tu zong Laimi kan i semnak Myanmar ah coronavirus a ngei tiah lung hrinhmi mizaw cu 20 tiang an karh manh cang cu a si.

Mah balte cu an nih cu an nunnak caah thin phan awk tiangin an zualhma hna loh tiah theih a si i a tu hi an thlawpbul cuahmah hna lio cu a si.

China nih a rak kirmi an si hna i Shane state ah a ummi chungin a tam cu an si hna tiah an chim. Mah hi coronavirus mizaw tiah an lunghrinhmi mizaw 20 chungah hin 4 hi cu an dirhmun a ttha lo ngai tiah an chim chap. thebungpipost

thawngpang dang relchap >>>>>>

Khampat Khua Ah Avoi 72nak Chin Miphun Ni Hlunghlai Ngai In An Tuah Lai

Avoi(72)nak Chin Miphun Ni cu Khampat khua (No.2) sang certual ah hlunghlai ngain in tuah an timh tiah theih a si. Sagaing ramkulh Chin miphun aiawh tu Chin Palai Vuanci (Chin Ethnic Minister) Pu Lal Thawng Thang le Khampat khua nu/pa hna hruainak in February 19-20, 2020 nihnih chung programme tam ngai he tuah a si lai. Mah CND puai ah Sagaing ram cozah Chief Ministry Dr. Myint Naing le ramthen Vuanci hna zong khualliam in sawm an si tiah thawng kan theih.

Khampat lei in CND Committee chungtel khua nu/pa hruaitu nih “Tukum Khampat CND programme cu February 19 Zan in thawk a si lai. 20.2.2020 zing 9:00 in chun ni tlak lemtecelh zuamnak phunphun a um lai. Zan caan hmannak, CND biachimnak le laksawng peknak le programme dang tampi a um lai. Cun puai progrmme ah hin; Chin Miphun chungin (Hakha lam, Falam lam,Tedim lam, Zo miphun lam, Mizo lam, Thado lam le Khumi lam ti in lam phun(2) cio lam ding, le Secular lei in awngnak sang ahmumi hna laksawng peknak, CND capar tial zuamnak, CND angki zuarnak le Miphun cio in hlasak thiam hna hlasaknak le music tumternak tbk hna hna a um lai. Kalay-Kabaw chung a ummi Khuate kip cio zong ah thawngzamh a si lai” tiah TCP sin ah a chim.

Cun, “CND tuahnak tangka cu Sagaing ramkulh cozah nih sing 100, Kalaymyo (khahsayah) nih sing(50), Tamu lei nih sing(50), Khampat khuami nih sing (50) le Sagaing ramthen Chin miphun aiawhtu Vuanci Pu Lal Thawn Thang nih sing (100) hmunh kho ding in tuanvo pek a si i, a dihlak Kyats sing (350) dih in timh lamhnak kan ngei” tiah TCP sin ah a chim chap. NLD cozah thar a kai hnu in Sagaing ramthen cozah theihpinak in 2018 ah Tamu, 2019 ah Kalaymyo le tukum 2020 ah Khampat tiin an hun tuah hi a si.

Tukum CND puai an tuahnak ding Khampat khuachung ah sang(Ward) pa 5 an um. No.1 Sang ah Tedim (Zo) lei deuh inn 200 hlei, No.2 Sang ah Mizo le Falam cawh in, inn 1000 hlei, No.3 Sang ah Thado miphun inn 150 hlei, No.4 sang ah Hakha-Thantlang lei an si i inn 973 hrawng le Milu in 5000 hlei le Khrihfa bu (18) an um. No.5 sang ah hin Kawlmiphun an um. Khampat khuachung ah inn 3500 hrawng le milu in 18,000 hlei an um tiah theih a si.

Global Khampat Funtomnak Bu (GKFB) timi hi No.4, Hakha sang ah a um i Pu Hmet El cu President a si. Chinrawn(Kalay-Kabaw) um Hakha holh a hmanmi hna lakah Khampat khua cu inn le milu an tam cem nak a si caah Chinram milu tambik nak Hakha le Thantlang khawh in Khampat peng hi a si tiah chim khawh a si. A tu lio Khampat peng uk bawi ah U Kyaw Soe Win a si. thechinlandpost

Be First to Comment

Leave a Reply

Your email address will not be published. Required fields are marked *