Nungak Ni Iang thihnak kong he pehtlaih in Mawtaw tteihtu kawlpa i a pa nih a chimmi hi rak zoh ve hmanh

Atu kan van langh termi hi Khual Suante timi Facebook account nih Ni Iang a thihnak kong he pehtlai in a ngaihchiatnak le Sai Wanah Aung te lei nih zei an rel lonak kong a tial i, hi a ca tialmi ah Sai Wanah Aung i a hringtu a pa nih a tanglei bantukin a leh. A leh ning tein kan van tial lai.

“Hi bantuk thil ruah lo piin a van cangmi hi ka lung a tha lo, kaa nuam lo taktak. Kaa nuam lo, ka lung a tha lo tuk caah December 31, 2018 zaan kha kan mah biaknak thla kan cam bantuk tein Ni Iang caah thla ka cam piak. Ka fanu cung a tlung bantuk tein ka tuar ve ko.

Hi kongah keimah hi rian ngan bik a ngeimi ka si caah an cansual zaan zongah ngaihthiam ka va hal ko hna. Hi bantuk thil ka tuah lio ah caa a dang nan van tial hi cu ka caah soiselnak a tam sual lai tiah ka ruah caah asi. Chin ram ah Ta-za-tu-ci (biaceih bawi ngan) in ka umnak hi kum 10 asi cang. Mindat ah kum 2, Halkha ah kum 8 ka um cang i, ka dik le fel lo, ka thil tuahmi mipi nih an theih dih.

An cang sualnak hmun hi ka phan bal. A phan bal lo hna caah cun lam ai kual tuk. Sai Wanah nih hin an cangsualnak hmun ah awka hringhro in a hro cermi hna zong kha kawlrawn bantukin an ka vuak sual lai ti a phan caah asi lai. Nan Chin ram ah keimah hi biaceih bawi ngan bik le sang bik ka si. Mipi hna an fak lonak ding caah zeidah ka tuah timi hi vuanzichuk Hung Ngai lio in a tu Salai Lian Luai chan i mipi hna nih an theih ko lai. Rak hngak rih uh, phung ning tein ka kalpi ko lai” tiah Sai Wanah pa Myint Mo Kyaw tiah auh mi Win Myint Kyaw nih a chim.


Be the first to comment

Leave a Reply

Your email address will not be published.


*