Press "Enter" to skip to content

Norway Um Thenkhat Hna Nih Benjamin Caah Phaisa An Hawl Piak Mi Cu Tam Taktak A Chuak Ve

Myanmar Idol Season 4 i Runner up si mi Benjamin Sum i hmailei caan karhlan nak ding caah tiin Norway um pawl nih Online fund kawlnak an tuahpiak. An tuah hnu ni 7 nak bak ah kr10,620 an hmuh manh tiah thawng kan theih, Kr 30,000 tiang hmu kho dingin timhtuahnak an ngei. Myanmar Idol a dih tlawmpal teah khan David Taisun nih a rak tuahpiak i a tuah cun $18,701 a tling cang.

Thawngpang dang relchap >>>>>

Iran General Qassem Soleimani Ruak Phum Caan An Thawn Tthan. Minung 32 Nunnak A Liam I 200 Leng Nih Hliam Hma An Pu

US ralkap nih Drone in an kah i a nunnak a liam mi Iran General Qassem Soleimani ruak cu ni hin ah phum cang ding ti si i,a vuitu minung an tamtuk caah ani pahnakah minung 32 cu an nunnak a liam tiah theih asi i, minung 200 nih hliamhma an pu tiah Iran News TV le Associated Press hna nih cun an langh ter .

General Qassem Soleimani hi an khua Kerman ah a ruak cu, Iran cozah nih ni 3 chung sunnak caan an tuah hnu ah, ni hin ah khan vui cang ding tiah ti mi asi nain, mipi an tamtuk caah ani pahdih i,nunnak tiang a liam mi an um caah an vuinak caan hi thawn tthan asi tiah an chim mi cu asi.

Pirhosseia Koulivand ,Iran Medical Emergency hruaitupa nih cun, pakhat le pakhat ani pahnak ah hin,minung 32 nunnak a liam i, minung 200 nih hliamhma an pu tiin ISNA News cu a chimh tiah theih asi. Iran nih cun, Qassem Soleimani US nih a thah mi cu, US lakah hin faktukin phuba lak asi hrimhrim lai tiah a puan zungzal ko cang i,Hi lio ah hin US zong nih Iran nih akan kah siah cun rangtukin leh asi lai tiah a chim zungzal ve cang mi cu asi.

US nih Iran General a thah piak mi hna cu, ani fahsaktuk ko i, General tharpa Ghaani zong nih,US lak phuba laknak cu, Iran nih hin a tuah hrimhrim ko lai i, a fahkhawh chung in lak a si lai tiah a chim zungzal mi cu asi. A tu lio Vawleicung ramkip nih an zoh dih mi hna cu,Iran le US hi an si i, zeitik dah ani kah te lai tiin mipi zong nih an zoh dih cang mi hna cu an si ko cang.

A khap khoding ram an um tilo i, China le Russia zong nih Iran an ttanh i, UK le Isreal hna nih cun,US an ttanhnak bia an chim ve cang tikah an buaituk ko cang tiah media lei nih cun an chim cang .zei dah an lawh te lai ti cu kan theihkhawh mi asi tilo i, rak hngak rih ko usih. chininternationalnews

Be First to Comment

Leave a Reply

Your email address will not be published. Required fields are marked *