Nihin Ah CNF/A nih SAC Ralhrang (5) Kan Thah Hna

Nihin Raldohnak ah CNF/A le CDF nih SAC ralhrang minung (5) kan thah khawh hna tiah CNF Spokesperson a simi Salai Htet Ni nih a chim. Hakha Pawng Hniarlawn thar khua ah CNF/A le CDF fonh in SAC ralhrang an kah hna hi asi. Kahnak hi nihin zinglei suimilam 10:00AM hrawng in aan thok hi a si.

Hi kong he pehtlai in CNF Spokesperson a simi Salai Htet Ni nih “Hakha khuapi pawng, Hniarlawn khua ah nihin zinglei suimilam 10:00AM ah kan i kaap. SAC ralhrang lei minung 5 an nunnak a liam. Kan mah CNF/A le CDF lei cu a thi le hliamtuar mi pakhat hmanh kan um lo. Cu hnu ah SAC ralhrang lei nih a pawngkam hrawng ah Bomb an puah len a si nain cu zong ahcun hliamtuar kan um hna lo” tiah a chim hi asi.

Hniarlawnthar ah kum 13 pa ngakchia pakhat telh in minung 4 zong SAC ralharng nih an tlaih hna. “Khua ah um ngam a si ti lo caah hmundang ah kan i tthial chung pah dih ko,” tiah Hniarlawnthar pastor pakhat nih The Chin Journal ah a chim.

Nihin ah Falam in Hakha lei ratnak hmun khat ah siseh, Hakha in Falam lei a kal mi SAC le CDF zar zanlei sml 4: 00 tiang a chuak rih tiah kan theih.

Leave a Reply

Your email address will not be published. Required fields are marked *