Press "Enter" to skip to content

Ngaihchia tein – Zungzal caah Nuva si dingin an Zam nain an khenkham hna caah thih si an ding i an thi

Hi thil hi December 2,kawlram ah a cangmi thil a si. Nungak tlangval ai duh tuk mi pahnih cu an i then khawh lo ruang ah le zungzal caah nuva si ve dingin an pahnih lungtling tein an zam ti. Asi nain hi hna pahnih hi an chung le nih an tthen hna caah an pahnih lungtling tein thi si an ding i an nunnak a liam. Hi hna pahnih an zam hi a liamcia thlahnih lio ah khan a si cang i kaphnih chungkhar nih an lung a tlin lo veve ruang ah an tthen than hna hi a si. Asi nain thih nak tu nih a zulh hna.

An then hna ruang ah hin tlangvalpa hi a tuar tuk i a donghnak ah cun a tuar khawh ti lo ruang ah December 1 ah khan thih si a ding i a nunnak cu a liam ruang mang. Cuticun a nungak nu te zong cu a tuar tuk hringhran i December 2 ah a tlangvalpa ruak pawng ah cun lungfak tuk hringhran in a tap. A tlangvalpa te inn in a lawi i a tuar nak vialte cu dih cang seh tiin thih si a ding ve i a nunnak a liam ve.

Mi nih an chim ning ah cun nungak nu nih hin tlangval pa ruak pawng ah a tap i a tah tlawmpal ah nangmah sin ah ka ra ve lai a ti i inn ah a lawi i hibantuk thil a can hi a si tiin an chim. Tlangval pa hi kum 17 a si i a nungak nu hi kum 19 a si.

Be First to Comment

Leave a Reply

Your email address will not be published. Required fields are marked *