Press "Enter" to skip to content

Nai Pafa Hna Namte In Sawh A Tong Mi Hna Cu An Hma Zong A Dam Ngai Cang Thlacam In Bawm Peng Ko Rih Hna Usih

Mah thil kan ton mi le hi ti thil a can mi hi lung a fak in lung a ttha lo hringhran ko. A tu kan van hmuh bantuk hin Pafa hna nai i nam sawh a tong mi hna cu an si an hmanthlak zoh tik ah lung a fak hringhran ko mu, mah an hmanthlak hi sizung i an tthit piak hnu an hmanthlak a si, Pathian dawtnak thawng in an nung dam i an hma a fak ngai mi zong dam lei an panh cang Bawipa nih um pi zungzal ko hna seh.

Nizaan tih ni te i thil a cang mi a si, March 14 7:32 ah US ram Texas State, Midland khuaah a ummi Pa Bawi Cung Nung le a fa cu Sam Club (thil zuarnak) an kalnak ah Mirang pa nih nam in a sawh hna i siizung ah an phan, tiah theih a si. An pafa in an hmaiah a sawhmi hna a si. A fapa Robert hi fak tukin a hliam.

A sawhtu pa hi Jose Gomez a si i kum 19 lawng a si rih. Pa Bawi Cung Nung hi Midland Chin Immanuel Baptist Church chungtel a si. Kum 2014 ah US a phanmi an si. Pathian a duh ngaimi a si, tiah theih a si. Laitlang lei a khua cu Thau a si nain Kalay ah a ummi an si. Atu hi Midland i siizungah an zohkhenh cuahmah hna lio a si.

Kan um kal ah i ralring cio hna uh si. mi ram dang kan um tik ah tu lio zawt nak hi kan mah asia ram in a thawk caah kan hmuisam zoh ah ruah nak tha lo keng mi mimawlh an tam tuk caah kan i ralring ngai ngai aherh.

Be First to Comment

Leave a Reply

Your email address will not be published. Required fields are marked *