Press "Enter" to skip to content

Myanmar IDOL Winner A Simi Esther Cu Yangon In Kalay Lei Ai Thawh Lai Teah (+Video)

Myanmar Idol Season 4 Winner Esther Dawt Chin Sung cu Yangon in Kalaymyo lei ah ai thawh lai te Live in Myanmar Idol facebook page ah an van thlah i, suimilam 2 chungah minung tam taktak nih an zoh manh. Kan kawlram huap in minthang taktak ah ai chuah caah a phak nak poh nih sunglawi tein rak don ding a si lai caah, a thin hna phang pah lai a ngeih hna ai ngeih pah lai ti hi hmuh khawh a si.

A tanglei ah a Video kan van chiah.

Thawngpang dang relchap >>>>>

An Unau Rual Pa 4 Tein Pathian Hla An Sak Ti Nak An Thiam Kho Tuk E (+Video)

January 2 zinglei ah ah All Chin Society nih Esther Dawt Chin Sung, Benjamin Sum, Yaw Kee le Tan Khun Kyaw cu Yangon, Novotel Hotel ah lawmpinak roca peknak le rawldumpinak an ngeih hna. Cuka hmun ah cun Esther, Benjamin, Yaw Kee le Tan Khun Kyaw nih Pathin hla an sakpiak hna. The Chin Journal facebook page

A tanglei ah an hlasak mi kan van chiah.

Thawngpang dang relchap >>>>>>

US Nih Iran A Phomh TakTak Cang,Iran General A Nunnak A Liam

US nih Iran cu,ralhrang hna a bawmh hna rangah faktukin a rak tterhkhawm len cang mi kha a si i, sihmanhsehlaw, Iran Supreme Leader Ayatollah Khamenei nih cun zeihmanh ah arak rel piak lo mi kha a si. Hi ti i US nih a tterhkhawn hnu khan US nih cun middle East leiah a ralkap hna le hriamnam hna cu, a kuatchap hna i, nizan ah khan a phomh cang hna tiah theih asi.

Pentagon lei thongthanhtu nih cun, nazan an kahnak hna ah khan,The Revolutionary Guard General Qassem Soleimani ,the Power ful head of Iran’s elite Quds Force cu a thi mi hna lakah hin a tel ve tiah a chim cang. US nih vanlawng in akahnak hna ah hin,US Embassy Baghdad buainak i an hruaitupa Abu Mahdi al-Muhandis, the deputy commander of Iran-backed militia zong a tel ve tiah a chimchih mi cu asi .

Iran nih a bawmh mi hna ralhrang hna cu an thin hungtuk i,”The United States le Isreal hna hi,Mujahideen Abu Mahdi al-Muhanddis le Qassem Soleimani thihnakah hin mawh phurtu an si i,Middle East le Iran karlak i, i pehtlaihnak vialte a chia dih cang tiah an chim ve i, US cungah hin zeibantuk phuba laknak dah an ngeih te lai ti cu theihkhawh a si rih lo ti si.

Baghdad international Airport hi US nih akahnak ah hin, a sawp dih cikcek ko tiah an chim i, Iran nih a bawmh mi ralhrang hna militia umnak cu akang dih ko tiah an chim fawn.Iran ral bawipa a thi mi hi, Iraq ram ah hin,an bawmh mi hna ralhrang hna he meeting pawimawhtuk mi ngeihdingin akal mi asi i, an meeting tuah lio ah an kah mi hna hi asi tiah theih asi fawn.

Hi konglam he pehtlaih in, Iran ralbawipa Iraq ram i akal hi, Isreal Mossad hna nih US cu an chimh mi asi tiah theih asi i, kan hnu lei zarh ah khan Iran nih Isreal cu,Iran ralbawi pakhat thah dingin a tim tiah arak puh mi kha asi. Hi i kahnakah hin minung 7 an thi tiah theih asi i, a thi mi hna lakah hin ,PMF official minung Protocol Mohammed Reda zong athi ve tiah theih asi. US pentagon nih Middle Eat leiah Marines 100 le ralkap 750 an kuat hnu in an kah hna hi a si tiah theih asi.

A tu hi boruak a linhsa lingcing a si rih caah zeitin dah an um rih lai ti cu theihkhawh asi rih lo i, thongpang thar a um siah cun arannak in updade kan rak tuah te lai.

Be First to Comment

Leave a Reply

Your email address will not be published. Required fields are marked *