Press "Enter" to skip to content

Myanmar Idol Esther Dawt Chin Sung Nih Thazaang A Pe Tu Hna Sinah Lawmhnak Bia

Tu lio kawlram mipi lungthin ah hmuhma a la cemtu thawngpang cu Myanmar Idol season 4 hlasak zuamnak khi a si. Mah hlasak zuamnak puai ah cun mipi lei kap in thazang pekmi le uar mi an ngei cio hna.

Mah chung ah cun kan lainu Esther Dawt Chin Sung cu mipi lei kap in thazang petu a ngah tak tak mi lak ah ai tel ve mi pakhat a si. Mi tampi nih dawtnk in Sung Sung tiah an auhmi Esther Dawt Chin Sung cu nizan zuamnak tiangah teinak a hmu tu a si ve. Mah lawng hmanh si lo in Winner tiang a la kho mi dirhmun ah a dir ve mi a si.

Kan lainu muidawh le hlasak thiam Sung Sung nih a fb ah Myanmar Idol zuamnak a zohtu ram chung ram leng thazang a kan petu vialte nan dihlak cungah kai lawm tuk tiah aa lawmhnak cu a rak langhter. Tu tan Myanmar Idol zuamnak ah hin kan lainu nih pakhatnak hei la kho ve sehlaw cu ti cu kan saduhthah cio ko seh.

Esther Dawt Chin Sung nih thazang petu mipi sin ah lawmh nak bia a chim lawng hmanh si lo in tuzan nazi 8:00pm ah Channel 9 ah zuamnak kan thawk tthan lai caah thazang rak ka pe tthan ko uh tiah mipi sin ah sawmnak ca a vun ttial chih. Kan lainu nih teinak a hmuh khawhnak ding ah nangmah le keimah kan biapi tak tak ti kha philh hrim hrim hlah.

Tu lio kawl ram a hnih dihtu Myanmar Idol Season 4 hlasak zuamnak nizan ah kan lai pa Benjamin Sum zawng teinak a hmu ve, Mi tampi nih an uar tak tak mi Benjamin Sum nih mirang hla dwh tak tak in a vun sak ah khin jude pawl zawng an ni lunghmuih kho tak tak. Myanmar season 4 hlasak zuamnak ah Winner laksawng la kho ding dirhmun ah a dir mi a si ve.

Myanmar season 4 hlasak zuamnak ah aa tel kho dingmi minung pathumnak tiang thim an si cang i mah lak ahcun Benjamin Sum le Esther Dawt Chin Sung an ni tel kho ve. Esther Dawt Chin Sung hi a mah nih aa chimnak in kan theih khawhmi cu Halkha in Yangon ah siangin a kai liomi le asawng (hostel) ah a ummi asi.

Myanmar idol hlasak zuamnak i Chin miphun chung in kan lai nu Esther Dawt Chin Sung le kan lai pa Benjamin Sum nih zuamnak puai i Jude hmai ah an biachim mi le an hlasak mi te nih cun mipi lungthin an lak khawh tak tak hna.

Kawlram hlasak thiam a si mi Yone Lay le Nyi Min Khine hna tiang in an thangtthat mi Esther Dawt Chin Sung le Benjamin Sum nih Myanmar Idol season 4 hlasak zuamnak i hla an sak nak cu an mah bak nih social media cung ah an rak post piak hna.

Mah lawng hmanh si lo in kawl ram hlasak thiam le hla phuah thiam a simi Nyi Min Khine nih cun Esther Dawt Chin Sung le Benjamin sum hmanthlaak cu social media cung tiangin a thlah piak hna.

Esther Dawt Chin Sung le Benjamin Sum hlasak nak cu a tanglei ah khin ka chiah chih rak zoh ve an thiam kho tak tak. Benjamin Sum le Esther Dawt Shin Sung hi Jude te nih bia an halnak i an chim ning ahcun an dirhmun ai khat tak tak mi an si. A ruang cu an pa le nih an thih tak ve ve mi an si. Benjamin Sum Hlasaknak

Tu ah hin Benjamin Sum le bang cu a nu nih cancer zawtnak a ngei tiah a mah bak nih a chim fawn. Mah hna pahnih hi an dirhmun ka ruah tik ah an panih tein pakhatnak la ve ve hna seh ti ka duh ngai ko nain an pahnih in cun an si kho fawn lo i a pawi tak tak khi a si. tiah thawnglatu pakhat nih a ttial.

Esther Dawt Chin Sung Hlasak nak

Be First to Comment

Leave a Reply

Your email address will not be published. Required fields are marked *