Mindat ralzaam caah hlutmi (bat-700000) leng cu thlathum a rauh tiang ah an ngah rih lo

Mindat ralzaam caah tiah ramkip um Chin miphun hna nih an si khawh tawk in an pek mi le an hlut mi phaisa (bat-700000)leng cu Thai ramah ummi, Kawlram miphun pa nih Mindat peng mipi hna sin ah thlathum rauh hnu tiang ah kuat lo in, a bawmchan tu hna sin zong ah a khirh than hna lo tiah theih a si.

Mindat ralzaam caah a hlu halpiak in kuatu cu Jarmany ram um, Mindat khua mi Mai Awm Seing nih a Facebook ah a tu bantuk in a langhter. “Mindat caah a hlu phaisa hmuhmi a kan pe lo tu cu Thai ah ummi,Chin le Kayin cithlak kawlram miphun pakhat a si. A hlu phaisa kan hal hi thlathum a luan cang. Ramkip fonhin hmuhmi phaisa dihlak hi (bat 700000) leng a kutcung ah a ummi cu, a tu tiang a kan pe lo.

Kan mah europe le USA in minung pakhat nih kuatmi chungin bat 350000 leng cu pek hmasa ding in hal a si, nihin ah a za te in kan pek hna lai a ti caah, biakam nak tu le tu pek in, a phun phun bia a chim, ni hin ah keimah cu a ka block cang. Thai ah a ummi a si

A pa cu thawngtha chim tu Sayagyi Pa Pau a si.A hlan ah kawlram dihlak huap in khrihfa biaknak ah riantuan bal mi asi. Hi ca a rel tu ah hin a pa thei tu cu an i tel theu lai ti cu ka theih ko. A pa zong ka chimh piak uh. A tu ah a pa cu niruk ni ah a pum mi biaknak ah bible sianguk a si tiah ka theih. A nu cu Kayin miphun. A sining fianghlang deuh in ka hlat lio tiah a Facebook ah a langhter.

Note: hi ca post mi hi Mindat rianngei tu hna hnatlak pi nak in tar mi a si tiah” Mai Awm Seing nih a Facebook ah a langhter. Credit : The Chin Post

Leave a Reply

Your email address will not be published. Required fields are marked *