Min Aung Hliang nih “No Man Land” timi thok a timh cang, Chin Mipi dihlak Ralrin Herh

Chin Ramkulh chung i ralring kan hau : Salai Tluang Te. Sagaing Ramthen Kalay in Chin Ramkulh chung poh, “no man land,” timi mi bator Min Aung Hlaing nih thok aa tim cang. Atu hi Chindwe donhhlei pi zong a phih cang. Monywa nitlak lei in thok aa tim. An khual lam i khua an palnak zong thianhhlimh a timh dih.

No man land timi cu, “minung hmuh mi poh kah dih le tlaih dih le minung pakhat hmanh khua ah laihlum lo khi,” a si. Biakilh: Hihi ka theihmi ka zumh mi le atu dothlennak i Yangon PDF Comando lei a hruaitu sin in ka theih mi a si.

Pathian tu nih kan veeng hram seh. Thinphannak ca ah ka tialmi a si lo. Ralrin kan thiam khawh nakhnga ka rak langhter mi a si. Asi khawh cun sharing rak tuah ve hna.

CNF/A Spokesperson Salai Htet Ni Biacah Rel Chap: CNF/A Ralbawi a simi le CNF Spokesperson a simi Salai Htet Ni catial mi cu a tawite nain mipi thinlung a suk ngai ngai. Tutan kan dirhmun ah hi bantuk cabia vun rel cu thinlung a suk, lung a hno i Chin miphun thisa in aa sem mi paoh nih cun kan um sawhsawh kho cio hrim lai lo.

CNF/A Spokesperson a simi Salai Htet Ni nih “CNA/CDF pasaltha hnaThaizing khi kan Miphun pi nih kan ca ah thla an cam lai. Chin Miphun nih hrin mi Miphun fa pasal nusal tha kan si. Kan pa Chin Miphun, kan Nu Chinram kan dawt ca ah kanzam tak bal lo. Akan liamtak mi kan ttuantti hawi le caah phubah lak ding kan ti tawn kha” tiah atu suimilam caan te ah a tial hi asi.

CNF/A Camp Victoria ah Pastor a ttuan cuahmah lio mi Rev. Tluang Hre zong nih, thaizing October 13, 2021 zinglei suimilam 6:00AM in zaanlei suimilam 6:00PM tiang, Chin mipi dihlak Rawl-Ulh thlacamnak ngeih cio ding in sawmnak a tuah ve cang. Atu lio ah SAC ralhrang nih a tomtom in Chin ram lak ding in an kan kai hnawh cuahmah cang. Cu caah pasaltha nusaltha hna nih an dir onh cang lai caah Chin mipi dihlak nih faak pi in thlacamnak in bawmh ve hna kan herh.

Pathian nih nusaltha pasaltha teinak pe hram hna sehlaw, SAC ralhrang, Min Aung Hliang le a minung dihlak Chin ram ah sung cikcek cang hram hna seh. laikokekjournal

Leave a Reply

Your email address will not be published. Required fields are marked *