Press "Enter" to skip to content

Mi Sifak Lawnglawng A Company Ah Rian A Ttuanter Hna

Drew Goodall hi kum tin in euro 250000 leng a miat a ngeimi Sunshine Shoeshine timi kedenh hlun pawl thar chuah le sersiamnak company a dirhtu a si. Drew nih hin a company ah mi harsa le sifak lawnglawng a ttuanter hnanak a ruang cu a mah zong a hlan ah inn ngei lo lam kam khuasa a si caah a si.

Drew hi a nu le pa nih an duh piak lomi actor lam a rak zul i teinak a rak hmu lo caah inn lawi ngam ti loin a rak vakvai. Lam kam ah a rak it i misual le zu ri pawl velh a rak tong. Mi ei bang a ei. Ni 1 cu mi rum pawl an kedenh hnawh piak dingin ai tim i police nih an rak dawi lengmang.

Mi rum 1 nih a office room a lawngmi ah kedenh hnawhnak dawr i tuah dingin a sawm. Mah cu mirum pa thawngin room bite cu a mah nih ai ngeih. Mi nih a kedenh dawr cu an theih deuh deuh i a mah lawngin a si kho ti lo caah inn ngei lo a mah bantuk mi fel deuh pawl cu a kawl hna i a dawr ah a ttuanter hna, cun a ngeih chun tein rawl zong a cawm chih hna.

Cu ticun duhsah tein a company cu a tthang cho i a tu cu company pangai ah ai chuah. A tu tiang rian ngei loin a vakvaimi mi harsa lawnglawng a company ah rian a ttuanter hna. Cu caah mi harsa caah bawmtu ttha a si i a kut tang pawl nih an upat tuk, a nawl an ngei tuk tiah theih a si.
REF:bahuthutagabar

Be First to Comment

Leave a Reply

Your email address will not be published. Required fields are marked *