Press "Enter" to skip to content

Mah Hi Ruang Ah Hin Cambodian Ram Ah Cun A Min A Thang Bak Ve

Minung kan thih tikah rannung, thingkung & minung ah kan chuak than tawn tiin zumtu tampi an um.Cambodian ram zong 95% cu Buddhist biak nak i a biatu an si i a chuak than timi cu(reincarnation) an zumh bak.

Kratie province i a um mi pitar kum 74 mi Khim Hang nih a pasal thi cang miTol Khut cu an caw fate ah a chuak than a ti i a pasal bantuk bak in a zoh ti si.

An caw fate cu thla 5 lawng a si rih i, Khim Hang nih cun ‘Na pasal ka si’ tiin a chim mi an um bantuk bak in a theih ve. Cu aw a theih ban cun an caw fate nih a sam ah a liah piak i a hnamh cu ‘ka pasal a si ti ka theithiam colh a ti.

Cun a umdan le a duhmi thil ti bantuk zong ah a pasal Tol Khut bantuk bak hin a cawlcang i khua a sa tawn a ti. Khim Hang nih cun a pasal bantuk in a zohkhenh i an innchung ah a um ter tawn. a tak hna a kholh ter i an inn ah cun rawl zong a neih ter zungzal tawn ti a si.

A pasal i a lukhuh cu a khuh ter tawn i a pawng te ah a ih ter tawn. an chungkhat pawl zong nih an ka theihthiam tuk tawn e a ti. Cambodian ramah cun a min athang tuk i caw fate zoh duh ah hmun hla pi pi in an khua ah an va tlawng tawn hna.

A hmutu pawl zong nih rannung a lo loh, minung bantuk bak in a cawlcang ve ko hi teh an ti tawn.Khim Hang nih a fale sin ah ‘ka thi hmasa asi ah cun rak daw cikcek uh, a thih tik zong ah a ruak khang lo in minung bantuk te in a ruak rak hum uh tiin bia a cah hna.

Credit ; Meifar

Be First to Comment

Leave a Reply

Your email address will not be published. Required fields are marked *