Press "Enter" to skip to content

Lung a Fak taktak – Kum 3 naute cu a Cawm khawh lo ruang Hringtu a pa bak nih Bag chung ah a khumh i lamkam ah a chiah – VIDEO

Nungak tlangval i duh ngai i i umh, cun a rauh hlan ah fa zong van ngaih ko, a sinain cawmkhawh lo ruang ah hlawnh than, zeitluk in dah ningzak le zohchia a si, a fak tuk hringhran. Kum 3 hngakchia pakhat cu an cawm khawh lo ruang ah hringtu a pa bak nih lamkam ah a kal tak.

Hi thil Tiluk ram i a cangmi thil asi. November 16 zanlei suimilam 5 hrawng ahkhan hngakchia pakhat bag chung i ai khumh mi lamkam i an chiah lio cu CCTV nih a record. Hngakchia te hi a tap i bag chung in hin a rak chuak, a pawngkam ah a pa zong a um lo caah tih phan nak in a khat i a tap taktak. Cu a tah thawng cu innpawg kam mi nung nih an theih tik ah an va zuan hnawh colh i bag chung ah kum thum hngakchia a tah cuahmah lio cu an hmuh tik ah an khuaruah a har taktak i a rianran nak in police an call.

Plice pawl nih an van hlathlai hnu i an theih mi thil cu ‘ hringtu a pa hi midamlo taktak a si caah a nupi zong nih hin a kal tak, a nupi zong a cawm khawh lo pin ah a fa te zong cu a cawm kho ti loh. Cu ruang ah cun a lung a dong i a fapa te cu hibantuk in lamkam ah a kal tak nak hi a si tiin an konglam theih an si. Police pawl nih hringtu apa cu an tlaih i hngakchia cung ah hin zeitindah khua an khan lai ti cu theih a si rih loh.

Video zohnak

Be First to Comment

Leave a Reply

Your email address will not be published. Required fields are marked *