Lung A Fak Kho Ve Taktak : SAC ralkap nih Gangaw Pengmi an thah hna pin ah an chiatha tanpiak

SAC ralkap nih Gangaw Pengmi an thah hna pin ah an chiatha tanpiak. September 14| Magwe (Magway) Ramthen Gangaw Peng Mwehlay khua pawng ah minung 5 cu SAC ralkap nih meithal in an kahthah hna pin ah an chiatha tanpiak an si kha khuami nih an hmuh.

An thah mi hna hi Mwehlay khuami 3 le Layshi khuami 2 an si i September 13 le 14 ah an ruak an hmuh hna. “A thi mi hna hi meithal hma, an kut le ke ah naam in hngerhchih (ah-chihnak) hma a um pin ah an chiatha an tanpiak hna. An muisam zoh awktlaklo in le an ruak hlawm awk thalo in an tuah hna caah mei in khangh an si,” tiah khuami nih an chim.

Gangaw Peng Mintha khua pawng ah hin September 9 lio ah SAC ralkap le PDF an i kap i khuami mino 17 an rak thi, tiah Irrawaddy nih a tial. Credit : The Hakha Times

Leave a Reply

Your email address will not be published. Required fields are marked *