Kum Tling Rih Lo Mi A Si Caah A Nu Le Pa Nih A Tlangval Sin In A Dawh Tthan

Myanmar ram, Chingpakhohka state, veng number 4 ah a ummi Maung Ngi Ngi(kum 19) nih veng khat um tti a ngaknu a smi tleirawl nu Ma Su Yi Moon(kum 14) cu upa pawl lung tlingnak hal hmasa loin zan ah a fir i nupi ah i tuah dingin a zampi. A firtu Maung Ngi Ngi hi ca tang a ngeimi a si loh i khua chungah a ummi rian paoh a tlacawp in ttuan in khua a sami a si. Cu ve bantuk in a ngaknu Ma Su Yi Moon zong hi sifak innchungkhar fanu a si i ca tang ngei loin a tlacawp rian a ttuan vemi a si.

Dirhmun khat an si i nu lei chungkhar nih cohlang lo awk cu an ngei lo nain an fanu cu a kum a no tuk rih caah a rannak in an dawi hna. Timh cia tein Maung Ngi Ngi nih a ngaknu Ma Su Yi Moon cu zan ttim ah a fir i Ma Su Yi Moon zong nih lung tling tein Maung Ngi Ngi a zampinak hnu ah a zulh ve. Bus in an zam i an kal duhnak hmun an phanh hlan deuh ah nu lei chungkhar pawl nih police pawl cu bawmh an hal hna caah an kham khawh manh hna.Cu caah Maung Ngi Ngi le Ma Su Yi Moon cu police pawl nih an hruai hna i a neih cemnak poilce station ah an kal pi hna.

Cu hnu ah nu lei chungkhar pawl cu thawng an thanh hna i an fanu kum a tling rih lomi cu him tein an rak lak khawh tthan. Kum tling nu a firtu Maung Ngi Ngi cu police nih dan an tat lai le tat lai lo timi cu thawng an thanh rih loh. Dan tat kong he peihtlai in nu lei chungkhar nawl a si te lai tiah theih a si. Sinain sualpi duh bia si loin nupi caah fir a si i nu zong nih lung tling tein a cohlang ko caah dantat tiang tiang cu a tong lai loh tiah zumh deuh a si.
Ref:7Daily Myanmar

Be the first to comment

Leave a Reply

Your email address will not be published.


*