Press "Enter" to skip to content

kum (36) chung it kho lo in a tuai tam peng tu cu Camera a chiah i fiang taktak in a lang, a rapthlak tak si

kum 58 a si mi nutling pakhat Ms. Gaynor Issitt nih a ton mi thil hi khuaruah har ngai ngai a si, Gaynor nih press hna sin i a chim nak ah cun ka in ah hin a thur mi thlarau sual a um tiah a chim, a mah hi fa 3 a ngei cang i an um nak in ah hin kum 36 chung an um cang i hi chung ah hin tuai tam nak a phun phun kan tong tawn, zan kai hngilh kar ah hin mi lianpi nih hin fak taktak in a ka reh chih i ka ihkhun cung cun a ka thlak hnu ah step ah tla lak in a ka bengh tawn i aka nam tiah a chim.

Gaynor nih hi bantuk thil a rak ton hi kum 36 chung bak a rak si cang, a hlan i hi in a rak ngei tu pa zong nih hin hi in ah hin thlarau sual a um ticu Gaynor sin ah cun a rak chim bal tiah Gaynor nih a chim, kum 36 an um chung ah hin hna a hnawh taktak hna a can ah cun in chung thilri vialte hi hrawh hna i, an bizu le furniture pawl hna le bible hna cu mei in a khangh dih tawn ti a si.

Supernatural Scientists hna nih Gaynor in hi an va zoh tik ah hi thil hi thil hman a si cu fiangten an theih, UK ram servey an neih nak zong ah Gaynor in cu thlarau sual um nak a suar nak hmun top 5 ah ai tel ve, UK ram mi thiam sang pawlnzong nih hi ka hmun i thlarau ttha lo a cawl cangh ning le a thil tuah mi neh nang hna cu an va hmuh ve dih.

hi in i a um mi poh cu thlarau sual nih um tu awk thiam lo in a tuaibtam dih hna i Mark nih cun a zumh mi thil a um, 1888 liao i serial killer an timi nu 11 a that tu Frederick Deeming timi pa hi mah in ah hin a rak um bal caah mah mipa thlarau hi a si ko lai tiah Mark nih cun a zumh.

hi in ah hin khuachia thlarau ttha lo hi pakhat lawng a um lo ti fiangten Gaynor nih a chim, thlarau thur hi nu lawng si loin pa he hngakchia he a hmuh hna i a pasal ngei zong thlarau ttha lo nih hin a tuai tam ruang ah nursing center ah an zohkhenh cuahmah liao a si.

hi in hi a thur thlarau sual nih um awk thei lo in tuai tam peng ko hmanh seh law a in ngeih chun a si caah chuah tak nak thinlung ngei bak lo in , a in hi zohkhenh le kumh chih peng ai zuam, pastor te le pathian mi hman zei maw zat a auh hna zong ah thlarau sual hi a kiang hlei loh a mah ning peng a si ko nain, Gaynor nih cun a in chuah tak cu a tim hrim hrim lo.

Be First to Comment

Leave a Reply

Your email address will not be published. Required fields are marked *