Press "Enter" to skip to content

Kum 10 Lawng A Si Rih Mi Hngakchia Pa Te Cu A Pa Le A Pi Nih An Thihtak Hnu Ah A Mah Long Khua A Sa

Hngakchia kum 10 hrawnghrang minung a si rih mi cu, nulepa le he nuamte in canhman a duh lio mi an si tawn i, chungkhar cu an i hngah nak le an i nuam nak cem a si.


Sinain, hi Vietnam pa hngakchia kum 10 mi te cu, kanu kapa tiin kawh ding mi a nei ve loh. Kum 10 te long a si rih mi, Dan Van Khuyen cu a nulepa le a pi nih an thih tak hnu cun a hawikom bantuk i um kho tilo in, a mah te in zeizong ai buaipi a hau cang.

Vietnam media nih a thanh ning ah cun, hngakchia kum 10 mi hi Vietnam khuate pakhat Tuyen Quang Province ah a chuak i hi khua ah hin a pi le apa tiin khua an sa tih thawng a thanh.

A pa cu khuapi lei ah eidin ding ca tiin kuli rian a tuan tawn i pa a nei ko nain a pa he hin an um ti kho bal loh. a tam u a canhman hi cu a pi sin deuh ah hin a si.A pi he hin, cozah bomhnak le a pa nih phaisa a hmuh mi tlawmte a rak kuat tawn hna i cuti te cun khuasa mi an si.

Cuti te cun a mah te long khua a sa i a eiding mi mehmua pawl hi an inn pawng dum chung ah a va tawh tawn i cutete cun a mah te in khua a sa tawn.

An khuami le a saya te nih hin an dawt tuk i eidin ding an va thenh tawn. An saya te nih cun zeitik can poh ah an va veh lengmang tawn.A harsat can le bomh a hauh can ah kan in bomh zungzal lai tiah biakam nak zong an va tuahpiak. Hi ca an tial lio ah hin a nu kong pakhat hmanh ai tel loh. Hi hngakchia hi zangfak a si rualrual in upat awk a phu hringhran ko e.

Be First to Comment

Leave a Reply

Your email address will not be published. Required fields are marked *