Press "Enter" to skip to content

Kawlram Minthang Tiang Bak In An I Buaipi Mi Myanmar Ido Season 4

Tutan Myanmar Idol Season 4 cu mipi buaipi le thapek a tong khun ko. Tu kum Myanmar Idol ah cun kawlram minthang hna zong an lungchung bia le an tha pekmi hna kong ah an hmur an cip kho cio hna lo.

Kawlram minthang lei in Myanmar Idol zuamtu hna thapetu hna lak ah hin Artist minthang, Actor mingthang hna le Director minthang hna an i tel. Hmailei ah cun Politician tiang zong an i thlak lailo ti zong chim khawh va si hlah.

Zuamtu hna nih le an thiam tuk hna ruangah hin thapek ning a fak tuk khun. Tu tan zuamtu hna cu an thiam ning a sangtuk hna. Kum dang zuamtu hna an thiamlo kan tinak cu asi hrim lo. Hmanhseh kum dang nak cun mipi lei in thapek le lawmh cu a tawng khun ko timi cu el awk thalo asi.

Tu tang Myanmar Idol Season 4 zuamtu hna he pehtlai in kawlram minthang hna zong nih an tha pekmi hna an ilo cio hna lo. Kawlram minthang hna nih mizei dah tha an pek timi hna cu tlawmpal tein van langh ter ning.

Kawlram zukcawl lei ah Director le lemcawng sinak in mipi theih nghal le thapek a cotu Director Ko Poh nih cun Esther Dawt Chin Sung a tanhnak kong a phuan. Keimah cu Esther fans hna lakah pakhat ka si ve tiah mipi theih in a tanhmi a phuan.

Cubantuk thiam in kawlram chungin pa sinak in nu ah aithleng hmasa biktu le Make Up Artist minthang Ma Htet nih cun Benjamin Sum a tanhnak kong a phuan ve. Ma Htet nih cun a sam kir chip chep he avan langh ah cun duh anung tuk tiin Benjamin Sum a tanhnak le a duhnak kong cu a phuan.

Cu lawng silo in kawlram zukcawl vawlei ah minthang pakhat a si mi Nay Min nih cun ka ngeih dihlak zuar mi nih a zat lo zongah midang cawi bu hmanh in Naw Say Say Htoo cu vote ka pek cang lai tiah Naw Say Say Htoo a tanhnak kong cu a rak phuan ve.

Mah bantuk in anmah le tanhmi le anmah le thiam timi mipi theih ah an phuan ngamnak nih hin mizaran cung an sinak a langhter. Mi cheukhat hna nih cun an tanhmi zong mithmai khah lo ruangah phuang ngam lo in an um lio ah mah bantuk in fianghlang tuk in an phuan mi nih hin kan mah cio zong ralthatnak a kan petu seh law. Hmailei ah cun Politician hna zong an i sum kholo te men lai timi cu theih asi rih lo.

Be First to Comment

Leave a Reply

Your email address will not be published. Required fields are marked *