Press "Enter" to skip to content

Kan Pu Trump Cu US Ralkap Pi Nih Thlahdan Pangai In Thlah An Tim Loh E

US President thing a si cang ding mi Donald John Trump thlahnak cu January 20 ah United States military facility Joint Base Andrews ah tuah a si cang lai tiah thawngtheih a si cang i, Cu tuahnak caah tiin a herh mi sawmnak ca a zohfel tu Bloomberg media nih cun zinglei nazi 8 ah an tuah lai tiah a langh ter.

US President nawlneih nak i hlan ni cu January 20 ah tuah tawn a si i, 2020 US rampi ithim nak i teinak cotuJoe Biden President sinak hlannak ding zong cu, cu ni thotho ah buainak phunphun chuak kho ding a si konain tuah an timh ko. Cu ni ah cun a tu i a thu lio mi President Donald John Trump nih tel ai timh lo nak kong cu January 8 ah khan a rak langh ter cang.

Tel ai timh lo nak a ruang cu ex-President dirhmun in US Tlangbawi zungpi a chuahtak duhlo ruangah a si ti`in a sin i rian a tuan mi tuanvo neitu minung pakhat nih US media sin ah a chim i President thu lio dirhmun in ropui tak in White House a chuahtak duh a ti.

“Pu Trump thlahnak cu Prince George County, Maryland i a um mi United States military facility Joint Base Andrews ah an tuah an timh i cozah ṭuanvo neitu le President rianṭuanpi hlun i tel in Pu Trump lei a ṭang mi minung zong an sawm hna. Khualpawl cu zinglei nazi 7:15 ah phan hrimhrim ding in sawmnak caah an tial i i hawikomh nak an neih hnu ah Pu Trump cu Air Force One vanlong he Florida ah a zuang lai” tiah Bloomberg media nih a langh ter.

Image

US Ralkappi nih cun i thlahdan pangai in thlah an tim loh. Pu Trump nih cun US ralkap telin President thlahdan pangai i thlahding a beisei tiah thawngpang a thang. Cukong he pehtlai in United States Department of Defense i senior officer pahnih nih ralkap i thlah dan pangai bantuk in, thlah an timh lo nak kong Atlantic Media, Defenseone sin ah namhhngeh nak an nei.

Be First to Comment

Leave a Reply

Your email address will not be published. Required fields are marked *