Press "Enter" to skip to content

Kan Nau Pa Benjamin Sum Sunglawi Tak Tak In An Don (+Video)

Kum 2019 Myanmar Idol Season 4 hlasak zuamnak ah aa zuam vemi le Grand Final tiang a phan vemi Falam lei kan nau pa Benjamin Sum cu tuni January ni 5, kum 2020 Sunday chun ah Kalaymyo khuasa mi tampi hna nih sunglawi tak tak in an don. Tuni hi zarhpi (Sunday) ni a si ko nain pumh dih le caang ka bak in Benjamin Sum donnak ah an i thawh cio hna.

Kan naupa Benjamin Sum hi Myanmar Idol hlasak zuamnak ah pakhatnak (winner) cu a si lo nain Grand Final dirhmun tiang a phanh ve tik ah hin don phu bak a si. Mipi nih minthang maw hlasak thiam minung pakhat khat kan ttanh tik ahn ah hin teinak an hmuh caan lawng ah lawmhpi hna ding a si lo i an kan phanh khawh piakmi dirhmun te ah khan lunglawm tein lawmhpi hna ding i thazaang pe tu fan pawl kan rian bak a si.

A mah zong tlaung tein Kalaymyo a rak phanh cang bantuk in tu hi Benjamin Sum donnak le lawmh pinak in caan an hman cuahmah lio si, Myanmar Idol hlasak zuamnak ah cun Winner hmu hlah hmanh sehlaw a Benjamin Sum thazaang a petu hna lungthin ah cun Winner bak a si ko hih, hmailei a lamthluan i a nuh ping ngia lei rian a ttuannak zong ah hlawh tlinnak hmu hraam ko seh.

A tu bantuk in sunglaw tak tak in nan kan donmi cungah kaa lawm tuk i hlasak kaa zuam lio zongah ram chung in siseh ramleng in siseh thazaang a ka petu nan dih lak cung ah kaa lawm tuk tiah Ben Ben nih biachimnak tlawmpaal a neih hnu ah hla zong a sak piak hna, a tang lei i VIDEO timi te khi rak hmet law LIVE an thlahmi Video zong tling tein na zoh khawh lai. bellereuel

Video a tanglei ah kan van chiah.

Be First to Comment

Leave a Reply

Your email address will not be published. Required fields are marked *