Press "Enter" to skip to content

Kalay Peng Siaphu Khua Thatanahyaungchi Phungki Sianginn Ah An Buai

TCP-Kalay| 2019 June 12| Siaphu khua Thatanahyaungchi phungki sianginn a ummi Phungki(Ko Yin Kyi) le Khua mi pakhat kar buainak ruang ah khuami hna nih (Ko Yin Kyi) cung an lungtlin lo ruang ah phungki sianginn luh hnawh in thilri cheukhat cu June 1 ah an hrawh.

Mah tin buainak ruang ah Kalay penguk phungki le khuate phungki upa hna le palik pawl nih khua mi he tonnak an ngeih hna hnu ah phungki(Ko Yin Kyi) cu zanlei 14:00 ah Pungki upa hna hmai ah phungki thuam phawihter in phungki thuam a si lo mi hni le angki aih in an thlenpiak hnu ah palik sakhaan ah an kal pi tiah thawng kan theih. thechinlandpost

Thawngpang dangrelchap >>>

Tatmadaw nih Thailand ah hriamtlai phu tonnak an block piak hna, an lungrawk tuk

Thailand ram Chiang Mai khua ah Myanmar ram chung hriamtlai phu hruaitu hna tonnak tuah an timh nain Tatmadaw nih an block piak hna, hriamtlai phu an lungrawk tuk cio.

Tatmadaw aiawhtu Brigadier General Khin Zaw nih Thailand cozah sin ah ca a tial i hriamtlai phu hna tonnak onh lo ding ah a hal hna. A hal bantuk in Thailand cozah nih hriamtlai phu tonnak cu an phih hi a si.

Meeting ah CNF, KNU le NCA min a thu ciami hriamtlai phu tampi i tel an tim nain an block hna caah ‘ralkap nih NCA hnatlaknak an buar’ tiah an lungrawhnak an phuan. NCA hnatlaknak ah cun hriamtlai phu hna zalawng tein i ton khawh a si timi ai tel.

Mah tonnak ah hin NCA min a thu rih lomi KIA le KNPP zong i tel ve an timh ruang ah ralkap aiawhtu nih a duh lo i a block hna hi a si.

Thailand ram hi hriamtlai phu hna meeting an tuah tawnnak hmun a si, Thailand cozah lei in hnahnawhnak a um bal lem lo. Tutan an block hna tikah hriamtlai phu caah lungrawk ngai a si.

Be First to Comment

Leave a Reply

Your email address will not be published. Required fields are marked *