Press "Enter" to skip to content

Kalay lei kan MINO vialte a rannak in CNA lei ah kal dih uh law training kai hmasa uh

Kalay lei thawngpang kan vun theih ah kan lung a fak cio, kan tuar pi tuk ve, kan mitthli a tla ve. Sihmanh seh law, zei ti hmanh in i bawmh sanh awk kan tha lo kan mi pum in cun. Kan mino pawl a tu bantuk in nun a liam mi hi a pamtuk, ramle miphun caah si ko nain Kalay myo um nu le pa hna le kan mino pawl khua fak piin nan ruah ah a tha lai tiah ka ruah.Kawl ral hrang cungah hin thin har tuk le kan ing kho ti lo ruangah thin har tuar khawh ti loin doh ding si lo tiah ka ruah. An nih cu hramnam thazang a thawng mi sipin ah raldo nak training a kai cang mi long te an si.

A tu bantuk in nan do ah cun kan mino pawl kansung ruk lai, a pamtuk. Raldo timi hi tha tein training kai le plan ngeih a herh tuk mi. Kan mino pakhat nunnak kan sung hi a pam tuk. Tuan pi ah Chin mino pawl tho canguh tiah caa ka rak tial bal cang i Chin mino vialte CNA ah i bung dih uh tiah ka rak chim cang. Ni Kalay kan mino pawl CNA in training a dih mi long te si seh law, cu tluk nan nunnak a liam lai lo tiah ka chim ngam.

Mi cheu nih CNA zeihmanh ah kan rel lo, kan bawmh duh hna lo i thang chiat nak long te caatial in soisel nak kan tuah, cucu a poi tuk in ngaih chia ngaih zong si. Sihmanh seh kan tha a chia lo.

Cu caah a tu zong Kalay lei kan MINO vialte a rannak in CNA lei ah kal dih uh law training kai hmasa uh, nan dih cangka in CNA ah tuan nan duh lo zongah Ramdang um mi nih kan support mi meithal i tlaih in kawl ralhrang cu nan doh ko hna lai. Kan mino pawl le upa pawl nih khua fak piin rak kan ruah piak uh

Raldo nak training nan kai ta hrim hrim a herh, thin linh tuk in doh sawh ding si lo, plan tha tein neih a herh mi si. Zangfah nak in kan mino pawl caan a pamtuk, CNA nan duh lo tuk zongah training tal cu kai hma sa ko uh. Kan mah Chin mi kan si ko caah CNA ralkap tuan thai nan duh lo zongah CNA/F kan pu le pawl nih an in theih thiam piak ko lai, Kalay kawl ral hrang cu nan do than te ko hna lai.

Zangfah nak in Kalay kiangkap kan mino pawl le nulepa hna khua fak piin ruat than ko uh tiah kan in nawlh hna. Pathian bochan in thla kan cam ah cun Pathian nih tei nak a kan pek ko lai. Credit: Carry Thang

Be First to Comment

Leave a Reply

Your email address will not be published. Required fields are marked *