Press "Enter" to skip to content

Jin Shui Hi Kum 38 Hnu ah Hringtu Nu le Pa Nih Lunglawmh nak He

China nupa cu fapa dawh tak an nei i kum 2 a rak si lio ah a tlau i, kum 38 chung cu hringtu nu le pa cu lungkuai ngai in an rak um lio ah Cozah bawmhnak thawng in an fapa cu an hmuh than. Huang Renxiu le Su i an fapa neih mi cu a min ah Jin Shui ti asi.

China ram khuate ah a um mi an si i sifak ngai mi an si ko nain, a nuam ngai mi chungkhar an rak si. May 12, 1982 chungah chungkhar pabik cu an chungkhat sinah a va leng i, chungkhat hna nih puai an neih ruangah inn ah lawi lo in a riak colh hna.

Asinain a nupi nih cun a lawi ko lai tiah a ruah caah innkaa hrenh lo in an it. Cuticun zaan khua dei cu an nufa te long in an it i, a thaizing a rak thawh tik cu a pawng ah a it mi a fapa cu a rak um ti loh ai. Cu tikah a nu nih cun a pasal cu a kawh i a chimh , an nupa in an dawttuk mi an fapa cu an kawl len ko nain an hmu kho ti loh.

Kum 38 chung cu an fapa thawngpang cu thei kho ti lo in an um. Palik pawl zong nih an ti khawh tawk in an kawl len ko nain an rak hmuh kho ve loh. Cu tikah cun hringtu a nu cu chun zaan in a tah tikah lungfahnak a neih phah i, an fapa an kawl nak ah khua dangdang zong an fapa cu kawl in an um.

Kum 70 a tlin hnu Septembar 17, 2020 ah an fapa Jin Shui Cu an hmuh than i, lunglomh nak mitthli he an fapa cu an lawmh. China cozah nih thisen test-nak National DNA in an hmuhmi asi. An fapa cu nupi a rak nei cang i fapa pa 2 a nei.

A pa nih cun kan hmuh kho ti lai lo tiah ka rak ruah cang nain a tu cu nangmah kan hmuh lawng hmanh si lo in ka tu le he zong kan hmuh chih cang hna tiin a pa nih lunglawmh nak a chim. China ram ah hngakchia fir hmang an tam tuk i, mi cheukhat fa le bang cu mi ramdang ah an zuar fawn hna.

Cheukhat hngakchia cu mi rum fa nei lo pawl nih an cawk hna i an mah fa bantuk tein an i cawm hna. Cheukhat hngakchia cu an thah, a cheukhat cu hlawhhlang an tuanter. Jin Shui a caw tu hi cu mi tha an si ti hi ka zumh, nupi fanau nei i chungkhar a dirh thiam ning hi tiah a pa nih a chim. Kum 38 chung zei tin dah caan a rak hman ti tu cu a lang ter loh. (Dailymail)

Credit: Meifar

Be First to Comment

Leave a Reply

Your email address will not be published. Required fields are marked *