Press "Enter" to skip to content

Hlasak Thiam Laldin Thar Biachim Cu Uar A Um Tuk Lem Lo Hih Khatlei Ruah Ah Cun

Hlasak thiam minthang Leng Laldin Thar nih a tutan ah Esther konghe pehtlai in bia a vum phuan mi cu Uar a um lo ngaingai tiah ka ruah.zeicatiah MMID hlasak zuam lio ah khan a mah pumpak bak in Salai Benjamin Sum a dirkamh ning le a t’anpi ning kha a hmanthlak tiangin mipi nih fiang hlang tein hmuh a si i,Salai Benjamin Sum a dirkamh ning kha Media nih tampi kan rak langhter cang.

Asinain MMID hlasak zuamnak cu a hung dih i,kan farnu Esther Dawt Chin Sung nih Winner a van hmuh tik ah a chim mi cu,”kei nih cun ka U Esther hi ka zumhtuk caah voter zong ka rak pek peng tiah a chim.cun,Esther cu MMID 4 hlasak zuamnak ah Winner a hmu hrimhrim lai tiah ka rak zumh cia cangmi kha a si tiah a chim.cu pin ah Esther cu midang bantuk in a huatu hna kha comment nak in mi a let mi zong a si lo”tiah a chim.

Cun,a tu cu ka U Esther nih Winner a vun hmuh cang i,a mah a huatu hna kha va leh len caan zong kha a ngeih lo pin ah rian t’uan ding tampi a ngei.MMID hlasak zuamnak ah Chin miphun a tel mi hna chungin Benjamin Sum fans le Esther fans ti in bia an i al len.asinain ka U Esther cu,cu ti bantuk in mi a let t’ulhmalh mi le a holh tam mi zong a si fawn lo tiah a chim.a video hi rak ngai chih law na fiang chin lai.

Hi tibantuk in minthang pakhat a si mi nih media sin ah bia a chim mi hi a dawh lo ngai.a ruang cu hlasak zuam lio ah Salai Benjamin Sum kha a rak dirpi ti cu mipi nih theih dih a si ko na in MMID 4 hlasak zuam nak a dih hnu ah a biachim mi hi minthang a si nak hrimhrim in a chim rel awk a si lo.cu pin ah Ben Ben caah i lungsilo nak zong a chuak kho tiah ka ruah.zeitin dah na ruah ve? worldnewsforchin

Video a tanglei ah kan van chiah.

Thawngpang dang relchap >>>>>>

A Ropui Bak Ko Lai Hih : Myanmar Idol Winner A Si Mi Cu Lawmh Tuk Ding Si Ko

Halkha khualipi ah sunglawi taktak in MMID Winner Esther Dawt Chin Sung don a si lai.Union of Myanmar ah minthang taktak in Myanmar Idol winner a kan hmuhpiaktu le 2017 ah Chin Idol a simi Esther Dawt Chin Sung cu a chuahkehnak khua Halkha khualipi ah 5 January 2020(sunday) ah a phan lai tiah theih a si. MMID top 10 tiang a phanmi hna zong sawm dih an si i, an vun zulh ve lai tiah kan theih.

Halkha khuanu khuapa, Chin vuanci pawl, biaknak lei Pastors, Thantlang peng le Halkha peng vialte tel in sunglawi taktak in don an timh ti a si. Donnak ding hmun hi Halkha thar Tiphul lampial ah phu khat le Halkha Lamton ah phu khat ti in a si lai. Mah dih in Vum Thu Mawng celhmun ah Roca peknak le Concert ropui taktak in an tuah lai.Esther Dawt Chin Sung donnak ahhin pumpak in i thawh dih hna usih. A si khawh chungin Laithuam i hruk dih hna usih. Laiholh tein holh fawn hna usih. Kan Chin miphun mint’hattertu kan Farnu sunglawi taktak in conglawmh cio hna usih.Chin Popular News.

Esther thaazaang ape mi laimi phun ttanh unau rual kan Lawmhnak mitthli a luang.Myanmar Idol Season 4 kong he pehtlai in ca ka rak ttial bal mi kha a tu zaan ah cun nan lung fiangin nan thei cang ko lo maw??Esther Dawt Chin Sung nih winner angah lai ka rak ti lio ah khan a zum lo mi le prophet deu ee.Cu ee kha ee nan rak ti lio kha nan hun ngai in na lung hoi ah a caam ti maw?

Ahlei in laimi asi ve ko nain Esther kong kan chim kan ttial poahah comments chia chia le bia dawh loin a chim tawn tu Falam kan uu nau pawl kha comments rak ttial than dingin kan sawm hna.

MMID ah hin awthat pakhat lawng hi an ii zuam lo ti kha rak philh fawn hlah uh cun Chin Idol lio Esther Winner arak ngah lio ii a thangchiat mi le judges pawl a phunh zeih tu pawl hna kha a tu zanah hin hmuh le ton kan duh ngai hnaMyanmar Ram pumpi chung hmanhah Pakhatnak a ngah khi hun thei cang uh.

Esther Dawt Chin Sung kan in lawmh pi tuk.Bawipa nih na hmai lam in tluan ter chin koseh.Esther thaazaang ape mi laimi phun ttanh unau rual kan thlacam nak kan hlawh atling,Bawipa nih in um pi cio hnaseh.Lawmhnak mitthli a luang.Lami kan tuanbia thar na kan ttial piak ee.Vawlei a hmunh chung na min chim dai ti Lailo Esther Dawt Chin Sung.Chin Idol winner to Myanmar Idol winner.Hlasak voithum i zuam ii winner co dih tu cu nangmah lawng na si rih. So proud of you. Credit:Siang Cunglian Cinzah

Be First to Comment

Leave a Reply

Your email address will not be published. Required fields are marked *