Press "Enter" to skip to content

High School Sianghngakcia Nu Hna Cu Tlaih Khih An Tong A Ruang

Siang uniform i hruk cungin a zuar mi hna sianghngakchia nu hna cu, an dih lakin Thailand Police nih an tlaih dih hna tiah theih a si. December thla ni 3 zingleiah khan Thlailand ram Commander of the Immigration Office i an hruaitupa Lieutenant General, Sompong Chingdao nih cun Massage zawrhnak a ti mi hna in, an tlaih mi hna konglam cu thonglatu hna sinah cun a chim.

Hi Massage zawrhnak tiin a chim mi hna hi, a chunglei ah an luh hnawh hna tikah cun, High School a cawng lio mi sianghngakchia nu hna le sianghnakcia cheukhat an si tiah nawl ngeitu hna nih cun an chim i, mipi hmuh khawh ding in, website zong social leiah an lanhter tawn tiin an chim fawn.

Hi nu hna nih hin, suimilam 1 chungin US$ 63 hrawng an hlawh tawn tiin an chim i, hi dawr ah hin Police pa 3 hna cu, Civil dress in ani thuam i an luh hnawh hna caah an dih lak in, an tlaihkhawhnak hna hi a si tiin an lanhter. Nu hna lengah hin dawr manager Mr.Man (Sa-nguan) zong an tlaih chih ve tiin an chim.

Hi nungak hna hi a tlangpi in, kum 20 in kum 18 karlak ansi dih i,kum 18 tang nungak pahnih ani tel ve ti si. Phung nih a onh lo mi thil pawituk a si caah hremnak faktukin pek an silai tiah nawl ngeitu hna nih cun, an chim i, a dawr ngeitu cungzongah action faktuk in lak a si fawn lai tiin an chim mi cu asi. chininternationalnews

Thawngpang dang relchap >>>>>

Tih Nung Bak Hih : Kuak A Zu Bak Mi Na Si Ah Cun Van Zoh Ve Hrimhrim

Laimi hi kuat a zu bak mi le a ram bak mi miphun kan si ve caah hi thil hi cu rel le zoh ve hrim a phu ko tiah ruahnak kan ngeih caah kan van in share ve mi hna a si. Thil sual a si tuk lemlo nain minung taksa caah tih a rak nung taktak mi cu Kuat hi a si. Zu te pawl bantuk in kan ri lo nain kan taksa kha thli tein a rak hrawh tuk lawmmam caah thil tih nung taktak pakhat a si.

Kum tampi kuat a zu mi na si ah cun na cuap kha a ro lai i hman awk a thlak lo suallai ti phan a um taktak. Cucaah cun kum tam ngai kuat a zu cang mi na si le bang ah cun a rianran nak in i phiat law na ngandamnak caah a tha tuk hringhran lai. Thiltha a si ko tiin kan theih mi thil cu zulh le tuah ding bak a si ko. Cubantuk cun thil thalo a si ti theih ko na buin cun tuah hrimhrim hna hlah usih.

China, Wuxi People’s Hospital ah mi damlo kum 52 pa cu a thlauk nih rian a ttuan ti lo caah a thi chawm ding a si. Cucaah a cuap cu midang caah a hlut, ka thih tik ah ka cuap hi midang caah a thathnem lai caah ka hlut e tiin a ti i doctor te zong nih cun a cuap hlut mi cu a cohlan piak ve.

Asi nain, a vna thih tik ah a cuap cu an van lak i a tu i na hnuh mi bantuk in a cuap cu a rak ro dih cang i a nah bak in a rak nak. Hi a cuap hi rian cu a ttuan kho ve ko lai nain midang caah cun an hlu ngam bak loh. Hi cuap nih hin zawtnak a phunphun a chuah pi khawh caah midang caah an hmang ngam loh. Hi kong he pehtlai in Dr Chen nih kuat hi zu hrimhrim ti hlah uh, na kuak zuk chung kum 30 a tlin ah cun na cuap hi a ro viar lai i rian thathi in a tuan kho ti lailoh tiin a chim.

Be First to Comment

Leave a Reply

Your email address will not be published. Required fields are marked *