Press "Enter" to skip to content

Good News : U.S Nih Covid-19 Vaccine Cu Tu Hnu Tlawmpal Ah Hman Khawh A Cang Lai

U.S ram ah zawtnak hrik chonh khawh a simi hlathlai tu i an top expert Anthony Fauci nih cun tu tawmpal ah cun Covid-19 vaccine kan hman khawh zau cang lai tiah zumhnak kan nei tiin Cacawn ni 5 ni ah khan an parliament member hna sinah achim.

Dr. Anthony Fauci, director of the National Institute for Allergy and Infectious Diseases Center, nih hin House Select Subcommittee on the Coronavirus Crisis hna sinah report a pek i, ti hin an sin ahcun achim. ” Mi zeihmanh nih tha te zoh ta loin a him tak tak ko tiah guarantee an in pe kho hna lai lo. Sinain ralrin tak tak bu in hi vaccine hi thla rau lo teah hman khawh a si cang lai tiah kan zumh i, A that lei in kan conh.”

Fauci nih hin Covid-19 vaccine cu a tu ah hin zoh felnak a hnu bik Phase 3 an nei cuahmah lio tiah achim fawn. Ramsa le minung ah zoh fiannak an neih cang mi chungin hi vaccine ah hin ruahchannak khua a dei ngai cang.” tiah achim.

U.S i Covid 19 a karh lio caan ah hi bantuk thawng theih ding a um hi U.S mipi le cozah hruaitu hna caah cun lunglawmhnak a sang khun ko lai. John Hopkin Report nih a tar langh ningah tu ah hin U.S ah Covid -19 hrik kai mi hi 4,500,000 le a thih pi mi 150,000 leng an um cang i, Vawlei cung ah hrik kai le thi an tam cemnak ram a si i, June thla hnu lei ah khan hri kai hi an karh chin chin hoi. thawnglatu

Be First to Comment

Leave a Reply

Your email address will not be published. Required fields are marked *