Facebook Chung Ah Pa Dang Ai Duh I A Pasal Le Sunghno A Fa Le Cu A Zam Taak Hna

Philippines ram ah ke thum ngei bicycle(seih-ka) mawngh in innchungkhar paw cawm timi hi a fawi lo tak takmi a si i ni linh lak ruah sur lak ah chun ni tlak minung phurh a si. Cu hmanh ah a caan ah a miak um lem loin thaizing ei-din cawknak fang fang te lawng an hmu hna. A ruang cu Philippines ram zong ah hin seih-ka a mawngmi an tam tuk hna caah a si. Cu bantuk seih-ka mawng in a nupi le a fa a cawm vemi pa cu lung rep ngei lo a nupi nih a fa cu chiah tain zam taak a tong cu a si.

A nupi nih a zam taak hnu cun a mah nih nau a umh pah in seih-ka a mawng pah chih cang. Ni a lin caan le ruah a sur caan te hna ahcun a fate cu zaangfak a um ngai ngai i a hmu tu paoh cu an lung ai nuam lo ngai ngai hna. Mah bantuk in zaangfak in pafa hna khua an saknak a ruang cu facebook in ai thawkmi a si tiah chim khawh a si ve.

Zeicahtiah a nupi nih facebook chung pa dang cu ai duh i mah cu pa dang nih a lemsoinak lam lei ah a kal cu a si. Hi hna nuva hi an i umhnak kum 3 a si cang i an nu hi nu za, nu pumrua ttha a si. Sifak harsa fa ve ve an si bantuk in lung khat tein har ah har tti nuamh ah nuamh tti ding in bia chahnak an rak ngei nain nu timi cu harnak hmual a tuar kho lomi an si deuh hna caah thim awk thei ti loin a rum deuhmi facebook chung pa dang hnu a dawi cu a si.

Phone zong hi a pasal nih harsa tak tak in seih-ka a mawngh chammi in a ngahmi phaisa cu caan saupi a khawn piak i a cawk piakmi a si. Cu phone cu a pasal hman ter siang loin a mah nih chun he zan he nau umh pah in facebook a rak dek nak. Cun a pasal nih a mawnghmi seih-ka zong hi an mah ta si loin mi seih-ka a si i ni 1 ah a ngeitu sin ah Peso 150 pek peng a si rih. Seih-ka a ngeitu inn ah seih-ka ap hnu ah 2 kilometer(meng 1 le cheu deng) a hlatnak ah a ummi an inn ah hi pa hi a ke in nitin a rak lawi.

Ref:Buzzy

Be the first to comment

Leave a Reply

Your email address will not be published.


*