Press "Enter" to skip to content

Esther Dawt Chin Sung Nih “Lai ram na dam maw?” Timi Bak A Van Cheih Hih (+Video)

Myanmar Idol season 4 Winner Esther Dawt Chin Sung cu a tu hi Australia a Chinmi phun sinah Concert nak a ngeih cuahmah lio a si, a thiam Chin mipi hna zong nih thazaang an pek an uar kho taktak fawn. Mah ka zawn ah a hlasak mi cu “Lai ram na dam maw?” timi bak a van cheih hi cu a thiam kho taktak.

Esther hi cu kan Chinmi a kan cawi sang tu pakhat a si bantuk in a miphun hawi hna zong nih bia tak tein an dir kamh i, an cawisan ve mi pakhat a si a nunnawl a ttha pin ah tangdor nun a ngei fawn mipi thinlung a lak khawh tuk fawn a hlasak mi ah uar a um kho tuk.

A tanglei ah a hlasak mi kan van chiah ngeih khawh cio van i zuam hna usih.

Thawngpang dang relchap >>> Kawl ralkap le AA hriamtlai tukdohnak a fah chin lengmah caah Chin ramkulh Paletwa pengin minung 1,000 reng lo Sami khu ah rak zam dingin timhtuahnak an ngei tiah tuanvo ngeitu siin kan theih. “Khua mi hna nih an chim ningah tuzing (March 16) ah Kawl ralkap le uknak lei nih Miza khua (No.1-2-3), Uat-ma, Pyan-tin, Sa-wa le Ko-wa, Alin-wa, Pin-wa khua hna cu a him lo caah nan khua pi ningin caan karlak zam u tiah an chimh hna. Cutikah phu khat hna cu Sami khua an phan cang.

Anzapi minung 1,000 reng lo a ra kho mi an si caah tiin an umnak ding caah aa-lah-kah sianginn ah um ter hna dingin kan tawlrel piak chung hna. Facang le Chiti zong cawk awk a um lo caah zei ti hmanh in khoka dah kan damh khan lai timi kan ruat kho bak lo.”tiah Sami khua People of Community Development phu Director Zaw Li Aung nih The Chinland Post ah a chim.

“Minung 1,000 reng lo an rat tak ah cun an mah Eidin ding kong Paletwa lei ah cawk awk a um ti lo, Sami zong ah a har cang. Matupi lei tiah le aa hlat ngai fawn tikah zeitin dah kan tawlrel lai timi kan lungre a theih cem mi a si ko.”tiah a chimchap. Atu lio a cang cuahmah mi Kawl ralkap le AA hriamtlai tukdohnak ruangah sualnak ngei lo Chin mi minung 21 an thi i minung 28 hliamhma an pu tiah kan theih. thechinlandpost

Be First to Comment

Leave a Reply

Your email address will not be published. Required fields are marked *