Press "Enter" to skip to content

David lah cu a dik lo ning in an tlei thildik lo cu thildik lo nih a zulh te ko lai

Saya David Lah taza an cuainak upadi hi Kokek Harnak Kong Lairel Ningcang upadi caang 25-nak in a si i kum 3 tiang thawngthlak khawh leng ah tangka liam ter khawhmi a si. Upadi biafang kan zoh lai.

25 – Ahopoh zohfelnak tuah loin daipathlang tuahsernak pakhatkhat ruangah siseh, harnak pakhatkhat a chuak kho ti hngalh bu in le tuahhram ruangah siseh, kokek harnak a chuah ahcun asiloah a chuak ding dirhmun a si ahcun kum 3 nak tam lo thawngthlak lengah tangka zong liam ter khawh a siHi upadi hi Sepcial Law a si caah kum 3 tiang thawng thlak khawhmi a si i AaMahKhaan lak a ngah lo. (tlaihkhih an tuah ning bel Upadi ning ahcun Kutkhih a hau lo, a tli a zam ding phun a si lo ahcun..)

Cun hi upadi hi Ramt’hen Kokek Harnak Kong Laireltu Committee Siannak a um hnu lawng ah taza cuai a ngahmi a si. A cunglei upadi caang 25-nak i biafang kan zoh hmasa lai.

1. ahopoh
2. zohfelnak tuah loin daipathlang tuahsernak pakhatkhat ruangah siseh/harnak pakhatkhat a chuak kho ti hngalh bu in le tuahhram ruangah siseh 3. kokek harnak a chuah ahcun asiloah a chuak ding dirhmun a si ahcunA cunglei dot 3 sining a tlin hnu lawng ah hi upadi caang 25-nak ning in sualphawt khawh a si hnga.

Hlutdaw nih Upadi an ser. Zapi ca a t’ha lomi a um ahcun an remh t’han khawh. Cu upadi ning in aa pehparmi Zung nih rian an t’uan. Nawl a buarmi an um ahcun upadi ning in taza cuai ding rian an ngei. Taza an cuai mi hna bia a ceihtu kha biaceih zung an si. Bia an chimmi, tehte an tuahmi zoh in le upadi hrambunh in biachah a si.

Taza cuai ding t’uanvo a latu pawl nih Thleidannak an ngeih ahcun dinnak a um lo ti khawh a si hnga. (biaceih zung rian a si lo) Cozah hi rian tampi aa khinhmi an si. Thleidanmi ngei in taza cuai an hman ahcun cu cozah cu cozah tlaih ter an phu hrimhrim lo. credit:thawngpi

Be First to Comment

Leave a Reply

Your email address will not be published. Required fields are marked *