David Beckham Nih A Nupi Victoria Beckham Cu Ralring Nak A Pek Diam

Fa 4 he innchungkhar dawh a sermi David Beckham le a nupi Victoria Beckham cu zumh awk a tlak tak takmi ah rel an si i an innchungkhar cu a lam a tluang ngai ngai. Mi dang min thang pawl bantuk in nu kongah pa kongah min chiatnak an chuahpi ve loh ai daw tukmi ah relmi an si. Ai bawm thiam ngaimi an si i David Beckham hi football in ai dinh hnu cun cawngia(advertisement) leipang ah a lut i phaisa kawlnak caah DB Ventures timi a mah min chawlehnak zong a ngei chih ve.

A nupi zong fashion brand a sermi a si i innchungkhar caah an ttuan veve. David Beckham nih hin a nupi chawlehnak a tlak caan le ai cawibelh caan ah a cawi piak tawn i a nupi cu a bawmh tawn. A nupi fashion brand cu US dollar 10 million leng tiang ai cawibelh cang i David Beckham bawmh cham in ai her ve sawh sawhmi khi a si cang. A nupi chawlehnak a bawmh pah buin cun a mah chawlehnak a zohfel kho ti lo caah a nupi fashion brand a bawmtu ding minung kawlnak caah US dollar 30 million a dih piak. Cu hnu cun a nupi fashion brand cu ai cawibelh zongah bawmh ti lo dingin ralring a pek.

Cu caah 2018 Christmas ah Victoria Beckham nih a thil pawl cu manh deuh seh tiah an man zahceo a tthumh hna. A fashion brand hi 2016 kum lio ah US dollar 8.4 million a rak i cawibelh i 2016 kum hlan deuh zongah US dollar 4.7 million a rak i cawibelh bal. Cu vialte cu David Beckham nih a rak cawi piak nain David Beckham a chawlehnak cu 2017 kum ah US dollar 26.5 million a miak a rak hmu. Nai hrawng cu an 2 kar ah rem lonak le i lung hmuh lonak a karh ngai ngai nain 2019 kum thar ah an chungkhar tling tein an um lio cu hmuh tthan an si.
Ref: Daily Mail

Be the first to comment

Leave a Reply

Your email address will not be published.


*