Press "Enter" to skip to content

Covid 19 Phunglam An Suai Mi Nawl An Buar Ruang Ah Hremdung An Si I, Cu Hremnak In An Luat Khawh Nak Hnga A Pasal Cu Uico Bantuk In A Hruai

Canada ram i nupa tuah khat cu covid 19 phunglam an lonhkanh ruang ah, hrem nak in luat an i timh caah, an nu deuh nih cun a pasal cu uico bantuk in a hruai. Asinain, a pasal cu uico taktak a silo tikah hremnak in an luat kho hlei loh i phaisa cu an cawi ter thotho.

Ram khat ah ramkulh kip le myone kip nih covid 19 phunglam an neih cio bantuk in, daan le dun a hranten an neih cio bangin zan nazi 8 hnu ah lenglei chuah an kham i zingleu nazi 5am tiang lengleu chuah a ngah loh ti a si. Mah cu kong ah inn pawngkam ah cun inpawng ah uico lamlen pi a ngah tiah an chim. Phunglam an tuahmi cu January 10 in hram an thok cang mi a si.

Nawl le phunglam an chuah bak in palik pawl cu zan nazi 9 hrawngah lengchuak mi an um maw tiah an chehk hna i nupa tuahkhat cu zan nazi 8 hnuah lam an len cuahmah lio an va hmuh hna. Palik pawl nih an va fuh tik hnaah cun an nu deuh nih anpa cu uico bantuk tein a rak i hruaiter len i hnangam tak in lam an rak leng. Palik pawl nih cun zeiruang ah dah phunglam kan suai mi nan zulh lo tiah an hal hna i an nu nih cun, “Uico he cun inn pawng hrawng ah lamlen a ngah nan ti ko kha teh kan uico he pei leng kan chuah ko cu tiah hnangam ngai in an bia cu a rak leh hna.

Asinain, a hruaimi cu uico siloin a pasal bak minung a rak si tik ah palik pawl nih cun an cawiter thotho i $1212 an cawi ter. Zan muih hnu ah chuah a ngah loh an timi phunglam an suai hnuah mipi nih cun phunglam an zul lo tuk hringhran i an tleih mi 750 renglo an si cang. (BBC).

Be First to Comment

Leave a Reply

Your email address will not be published. Required fields are marked *