Press "Enter" to skip to content

CNLD Chin National League for Democracy in tu kum 2020 thimnak ah aa zuam ding Chin nusal pawl an min le khua pawl

#CNLD Chin National League for Democracy in tu kum 2020 thimnak ah aa zuam ding Chin nusal pawl cu Mindat Peng ah Pi Hung Yong, Matupi Peng ah Lin Lin Tun, Sagaing ramkulh Tamu peng ah Pi Hlei Bawi, Thantlang peng ah Chin Chin Pekthang le Magway ramkulh Gangaw township ah Van Ni Dim tiin an si hna tiah theih asi.

#2020kum thimnak phichuak cu Chin mi caah CNLD si hram ko seh. #CCNthawngpangtawi

thawngpang dang relchap <<<<<< USA ah Kawlram mi Misual nih A Inn ah An Thah Timi Kha , A Mah A Tupa Hngakchia Pate Nih A Rak Thahmi Tu A Si USA ,Saint Paul,Minnesota ah khua a sami Kawlram mi Karen pa “Lay Hae (Kum 45)” thih nak kong ah biafiang theih a si cang a mah thattu zong tlaih a si cang tiah kan theih .Hi thawngpang hi biafiang a um hlan ah Media cheukhat nih thawng thanh an i palh i “Kawlram mi pakhat cu USA ah a innchung ah misual nih an luh hnawh i an thah ” tiah an rak thanh sual . A si nain thawngpang fiang theih a hung si hnu ah cun Lay Hae hi misual nih a innchung ah an thah silo in a mah a tupa hngakchia kumtling lo (kum 16) pa nih a rak thahmi tu a si deuh .Lay Hae le a tupa Saw Thaw (kum 16) pa cu i hmuh thiam lo nak tlawmpal an ngei i an pufa in bia an i el ti a si . A si nain an bia el nak cu a va dih ko i cu hnu ah zan ah an pufa in tha tein zu an ding tti i zu an hung rit hnu ah i elnak cu a thar in a chuak than ti a si . Lay Hae cu zu a rit tuk caah leng ah chikhat te a van chuak i cu a chuah bak ah cun a tupa nih cun a hnulei in a zulh i a pu cu nam in a ttang ah a sawh . A pu zong cu a mah nunnak a him khawh nak hnga a sikhawh chungin ai zuam ve nain a tupa nih cun a ttang ah voi 3 nam in asawh hnu ah a hroma at i cu ti cun a hmun ah a pu cu a thi . Cu ti an buaichung ah an thawngpang a thang ngai i an innpawng um mi Christine Sampson nih a rak theih i a pa Pat Sampson a chimh i a pa nih cun Saont Paul Police pawl a chonh colh hna i canrau lo te ah police pawl cu an rak phan colh ve . Police pawl an rak phak hi 11:15Pm hrawng a si lai . A hmun ah palik pawl an rak phak ah cun Lay Hae cu a rak thi cang ti a si . Palik pawl phone a call tu Pat Sampson cu palik pawl nih bia an hal tik ah a thimi Lay Hae he hin kan i kom ngai i Beer zong kan ding ti tawn , a si nain mirang holh cu a thiam lo tiah a chim . Nithum ni (Wednesday) ah a pu Lay Hae a that tu Saw Thaw cu Ramsey County District Court ah biaceih dingin palik nih an hruai i Second Murder case in kum (40) chung thongthlak dingin bia an khiah piak . chinlandtodaynews

Be First to Comment

Leave a Reply

Your email address will not be published. Required fields are marked *