Press "Enter" to skip to content

China Khuapi Pakhat Cu Thong Inn Bantuk Ah A Chuah Cang

Kashgar ti mi min cu hlian liopi ah china nih an rak ngeih cang mi hlang lei kam a um mi khua pi pakhat a si. Mah khua hrawng ahhin Uighurs ti mi mi bu hna le adang muslim pawl cu khua an sa hna atu uighur pawl cu an ram in an chuah tak hna i an khua lengah nun khua an khuar hna tiah thei a si.

Mah ka khua pi a si mi kashgar a puainak a ruang bik cu biaknak leiah thlaidannak a um caah a asi tiah hmuh khawh a si, china ram hi anmah china biaknak phung a tanh ngaingai mi hna an si caah mi phundang ramdang hna in a ra mi biaknak kha an cohlang hna lo cu caah mah khuapi hrawng hi ral a tho peng hrimnak a chuak peng tiah theih a si.

Mah khuapi hrawng ahcun minung hawi hna nih harnak an ton ruangah an sining va hlat ah mi zoh tu phu hnanih an kal tawn hin anmah lawng in kal ngam a si lo an khuapi hna cu ralhrang nih an kulh hna lawng si lo in muslim a si mi hrimhrim hna cu an tuk an velh hna lung in an cheh hna tiah an chim.

Mah harnak le ithahvelhnak ruangah nu le pa ngei lo ngahtak can a pha mi hna hi minung a thong in 7,000 leng an si hna cun uighur hrawngah minung tam tuk te camp ah um in khua a sa mi hna a thongthong in an um hna tiah theih a si.

Ref: TOI

Be First to Comment

Leave a Reply

Your email address will not be published. Required fields are marked *