Press "Enter" to skip to content

Chin Ramkulh Chung Ah Covid-19 Pulrai Runven Nak Le Iralrin Nak Ding Caah CHRO Nih Tangka Tampi Dih In Rian An Tuan Cang Lai!

Chin Human Rights Organization CHRO will intensify activities on COVID-19 Response: Awareness and support in Chin State. Chin ramkulh chung ah COVID 19 pulrai runven nak le iralrin nak ding ca I riantuan nak ah Chin Human Rights Organization (CHRO) cu fakdeuh le hmual nei deuh in ttan lak ai tim.

Cu hlan ah Chin ramkulh peng 9 chung ah COVID 19 pulrai runven nak ah a rak ttuan mi nak let tam deuh in rianttuan ding in Chin Human Rights Organization cu UN Livelihood and Food Security Trust, International Organization of Migration, UN Migration Agency le Open Society Foundation hna he rian fakpi in ttuan ding in hma an vun domh. Chin ralkulh chung ah COVID 19 pulrai hi a tam deuh cu ramdag in a rak tlung mi hna nih chonhbarh deuh asi.

Vawlei cunng pumpi nih hi rai hi ton cuahmah asi tik ah ramdang I rian a ttuan mi hna, Malaysia le Tuluk I a um mi hna cu a phunphun ruang ah an hung tlung pah thluahmah hna. Benabia ah kan hnu zarh ah Chin ramkulh khua pakhat ah ni khat te ah Wuhan, Tuluk ram COVID 19 pulrai ai thok nak khua in minung 10 an hung tlung.

Tuluk ram le Malaysia ram ah aihlawhfa mi le a um mi hna tam ngai te an rak kir.Hi a rak kir mi hna hi an phak le cangka in an mah le an peng khuapi cio ah hrirai a thiang cang tiah ruah tiang erhkhumh (quarantine) tuah an si hna.

Atu a rauh hlan ah minung (2000) thonghnih a rak kir chap ding an um rih. Cu minung (2000) thonghnih a rak kir ding mi cu Kawl cozah theihpi nak in a rak tlung ding an si I Coza theih lo in a mah tlun in tanglam in a rak tlung ding mi hi hinak in tam deuh dawh an si. Cu caah atu lio I pengkip nih erhkhumh nak (quarantine center) an tuah mi nih a zat lai lo caah Chin ramkulh chung ah erhkumh nak (quarantine center) 50 sawmnga tiang tuah chap a hau lai tiah theih asi.

COVID 19 pulrai he pehtlai in kualtlawng tthialkam riantuan mi le tlungkal mi hna hi biatak te in zohfel a hauh caah CHRO nih Phaisa ting 1500 (ting thongkhat le zanga) hrawng hmang in rian fakpi in ttuan ai timh nak cu asi.
Hi rian ttuan nak ah phaisa chuah tu cu UN Livelihood and Food Security Trust, International Organization of Migration, UN Migration Agency le Open Society Foundation an si lai I Chin ramkulh chung ah CHRO le Chin State Health Department an ttang tti lai I pengkip ah Chin Human Rights Organization le a partner asi mi hna nih mah le pengchung cio ah ttuan asi lai.

CHRO he pengkip in rian a ttuan tti mi hna bu pawl cu; Tonzang peng ah Future Star Mino bu, Tedim peng ah Tedim Youth Fellowship, Falam peng ah Falam Mino Pawlkawm, Thantlang peng ah Thantlang Youth Association, Matupi Peng ah Chin Youth Organization (Matupi), Mindat peng ah K’cho Chin Women Organization, Kanpetlet peng ah Chin Women Development Organization, Paletwa peng ah Chin Women Organization hna he COVID 19 pulrai runven nak le cawnpia nak pawl cu an ttuan ti hna lai.

Sami le Paletwa peng I ralzam in a um mi hna lak zong ah biatak te in rian I hmai thlak an itim tiah theih asi. Hi rianttua nak project hi CHRO Chin ramkulh lutlai Pu Van Biak Thang hruainak in ttuan asi lai. Credit: Salai Bawi Lian Mang

Be First to Comment

Leave a Reply

Your email address will not be published. Required fields are marked *