Press "Enter" to skip to content

CCN People’s Choice Award Pek Dingah Dr.Sasa Le Esther Dawt Chin Sungah Hin A Ho Dah Na Thim Lai

CCN People’s Choice Award pek awk ah a tlak mi Dr.Sasa le Esther Dawt Chin Sung ah hin a ho dah na duh deuh tiah duh thimnak nawl an kan pek bantuk in a ho dah na duh deuh ti kha a si!kei mah nih ka hmuh ve ningah cun Esther hi cu Award pek awk ah a tlak deuh rua lo hlah maw tiah ka ruah.zeicatiah cun Esther cu MMID 4 Winner lawng a si rih,rian t’uan hram thok a timh lawng kha a si rih,a t’uan taktak rih lo ti nak a si.hi ti bia ka chim tik ah soisel a si lo.

Dr.Sasa cu Chinram le Miphun caah tampi rian a t’uancia mi kha mit hmuh kut tongh in hmuh le theih a si bantuk in Dr.Sasa hi a phu deuh tiah ka ruah.cu pin ah Dr.Sasa bantuk minung hi Chin miphun chungah an tlawm te.a nih cu Sertu Pathian nih Chin ram le miphun caah a kan pek bak mi a si tiah ka hmuh.hi konghe pehtlai in Chin Cable Network Channel nih a tanglei bantuk hin mipi sin ah ruahnak le duh thim khawh nak a hal mi a si.

CCN People’s Choice Award caah a ho dah na duh?2019 in rak thok mi CCN People’s Choice Award thimnak kan thok than cang. Mipi nih min nan van tar cio mi ah tambik vote a hmu mi pahnih kan van tar than hna.Atu kan van tar mi hna Dr. Sasa (Health and Hope founder le Lailenpi Airport a um khawhnak tawlrel tu bik) le Esther Dawt Chin Sung (Myanmar Idol Season 4 winner & Chin Idol 2017 winner) hna ah People Choice Award pek a phu ko tiah na duh mi vote ve ding in kan in sawm. Dr. Sa Sa le Esther Dawt Chin Sung cu an mah le Pahrang in miphun a cawisang tu veve an si.

CCN People’s Choice Award cu mipi nih min tar i, mipi nih min tar tambik a hmu mi hna pahnih chungah pakhat kha mipi nih vote pek than a si. A sullam cu hi laksawng cu mipi nih thimbak mi Award a si.Tutan zongah na lung duh mi vote pe ve ding in kan in sawm than.Tutan vote pek nak cu 1/17/2020 tiang lawng on a si lai.CCN Awards peknak cu Jan 25, 2020 ah tuah a si lai.2019 ah CCN People’s Choice Award a rak cotu cu Dr. Salai Lian Hmung Sakhong a si. Credit:Chin Cable Network Channel

Be First to Comment

Leave a Reply

Your email address will not be published. Required fields are marked *