Press "Enter" to skip to content

CBCUSA-ICBM Siangngakchia Caah Sianginn Sak Timh

Chin Baptist Churches of USA (CBCUSA) tang um ICBM (International Chin Baptist Mission) nih zohkhenhmi Siangngakchia pawl sianginn kainak le umnak caah Hakha hlawhtlin thlacamnak tlang, Chin Convention Center saknak ding pawng ah dothnih in sianginn sak an timh mi cu 2020 February 13 zing sml 9 ah Hakha Christian Minister Fellowship (HCMF) Chairman Rev. Joel Nawl Cung Lian nih innkil tung bunhnak a tuah tiah kan theih.

“CBCUSA tang um ICBM bawmhnak in Hlawhtlin Thlacaamnak Tlang ah sianginn sak kan i tim. Tu lio Hakha HBC siikhan zung (Carson Siangbawi te thlan chak) ah hlan in sianginn a kai mi pawl taang 8 in taang 10 tiang Paletwa, Mindat, Hakha, Gangaw tibantuk hna in an si. An mah caah CBCUSA tang um ICBM tawlrelnak in sianginn le inn le lo caah inn pali in sak ding a si. Tu hi sianginn dothnih saknak caah innkil lung kan bunh. Hi saknak caah hin tangka sing 2760 dih ding in kan timh tuah” tiah building committee lei tuanvo ngeitu Pu Thla Hre nih The Chinland Post ah a chim.

Hi sianginn cu foundation an thawk cang caah August thla chung dih ding in timh tuahnak an ngei. Siangngakchia thar a tlawmbik minung 150 tiang cohlan khawhnak ding in sak an timh tiah kan theih. thechinlandpost

Be First to Comment

Leave a Reply

Your email address will not be published. Required fields are marked *