Press "Enter" to skip to content

Breaking News : Thantlang Khua Ah Pu Ram Ceu Thang Te Inn Ciam Dih Lak In A Kang, Kum Thok Ka In Chinram Ah Inn Kang Mi A Tam Ko Cang

Tuini January 21, zinglei nazi 1:45am hrawngah Chin ramkulh Thantlang khua pawn ahmat 3 sangah Inn pakhat a kang i mitat le mipi nih rianrang tein an panh nain zamrang zetin an panh nain, an hmihchih len nain, Inn kang cu hmihkho thlu loin a kang ral dih tiah Thantlang mitat nih an chim.

Inn Kang mi cu Pu Thang Hrim Sia vulhnak hmun i a um mi Pu Ram Ceu Thang te inn a si. Inn kang mi cu dot 2 sang a si i canphio inn a si. Inn kang micu inn dang le hmundang kangh chih lo ding in, mitat mawtaw 2, ti phur mi mawtaw 1 he an hmih chih len i, zinglei nazi 2:25am hrawngah an hmih khawh. Zeizat man dah a kangh chih dih mi hi a si timi cu an tuak kho rih loh.

Inn kang mi ah cun minung hliamhma tuarmi a le thi mi an um loh nain, Me 4, uico 2 le Ar 10 a kangh chih hna. Inn kang mi cu coka lei in a chuak mi a si tiah mitat lei nih an chim .

Hitin , Tu.kum kum thokte ah Chinram ah hin vawi 4 bak inn a kang cang i, Hakha , Mindat , Falam Le Thantlang khua pawl ah a si. Ahleice in Falam le Hakha i Inn kang mi cu tih a rak nung tuk hring hran. Hakha Inn 3 kangral mi ah minung pakhat a rak thi i Falam Inn 6 kangral mi ah minung pahnih an rak thi. ( Lawrkhawm )

Be First to Comment

Leave a Reply

Your email address will not be published. Required fields are marked *