Press "Enter" to skip to content

Bible Voi (35) Tiang A Relchuak tu Nungak Muidawh “Ki Ki ” Nun i Cawncio Hna U Sih

Chin miphun chung ah hlasakthiam tampi kan ngeih ve hna i , ramhla sakthiam , lovesong sakthiam , Pathian hlasakthiam ti in an i then cio . Hi chung ah zohchunh awk a tlak taktak mi Pathian hlasak nak in thawngtha a phuang cuahmah mi Singer Deborah Hoi Tial Ki nih cun BIBLE voi(35) tiang a relchuak khawh cang tiah kan theih i upat awk a tlak taktak .

Pathian hlasa tampi cu an nunnak zohtik ah soisel awk an ngei cio tawn hna i mi thenkhat cu khual a tlawng lengmang nain a mah umnak khua a phak tik ah ai pum lo ti te hna zong an um .Pathian duh taktak ruang ah hlasak in a riantuan mi an um bantuk in larduh ruang le pawcawmnak ruah ruang ah le riantuan zuam lo ruangah a vakvai mi zong an um kho ve .

Culak ah Singer Deborah hi a nun ah cawmawk tampi a um i hlasak in Pathian rian a tuanlawng si lo in a tu ah cun a mah bak nih sermon a chim i mi tampi caah thazang petu a hung si than cang .Khual a tlawn lo can zong ah a umnak khua ah hlasa a hruai hna i Biakinn he ai then bal lo mi a si i , home crusade zong a mah bak nih a tuah thluahmah pin ah online in LIVE in thawngtha a chim rih .

Pathian riantuan mi pakhat a si bantuk in Bible hi voi(35) a rel cang i a htu hi voi (36) nak a rel cuahmah lio a si tiah kan theih.Pathian hlasa hna lak ah a mah bantuk in Bible tampi a chuah kho cang tu le a mah te in Crusade zong a tuah kho tu hi an um rihlo ti usih law kan palh tuk lem lai lo a nun hi cawn awk tlak taktak a si .

Hlasakthiam Deborah Hoi Tial Ki cu kum 1995,January 10 ah Falam peng Rulbu khua ah a chuak i 2015 kum thok in hlasak nak in Pathian rian ai thokmi a si .Hla fung tampi a sak cang i a mah nih fung 2 a phuah ve cang . Zumtu pawl nih keimah timi thinlung put kan ngeihmi hi thlenkhawh ai zuam bikmi a si i Pathian lunglomhter cu ai timhbik mi a si fawn . chinlandtodaynews

Be First to Comment

Leave a Reply

Your email address will not be published. Required fields are marked *