Press "Enter" to skip to content

Benjamin Sum le Sung Tin Par, Lal Din Thar Hna Cu Khawmpi Ropui Tak An Tuah Nak Ah An Sawm Hna

A tu a ralai mi January ni 16-17 2020 ah khin kumthar thlacam khawmpi cu hlunghlai taktak in Taunggyi khawmpi an tuah lai tiah thawng kan theih. Mah khawmpi ah hin Chinmi hlasak thiam minung 3 an sawm hna i cu hna cu, Benjamin Sum le Sung Tin Par, Lal Din Thar hna hi sawm an si. Myanmar Idol Judge Aung Ko Latt i fapa J-Me, Le L- Saizi le Saw Htet Nay Soe hna he hla an sa tti hna lai, Show zohman hi a um lai loh Free tein zoh a si lai. A caan hi Zaanlei Suimilam 5:00pm in 9:00pm tiang a si lai hih.

Damlo a hna caah thlacamnak an hmang lai i, Taunggyi kiangkap hrawng i a um mi hrangah Motor in minung lak an si lai. Mah Kumthar thacam khawmpi he pehtlai in pehthlah na duh a si ah cun 09428223552 ah hin peh tlaih khawh a si.

thawngpang dang >>>>

US secretary Of State Mike Pompeo nih cun, President Trump nih IRGC Commander Soleimani a thah ternak hna a ruangah hin,President hlun Barak Obama thiam lo a can ter. Political news CNN’s State of the Nation ah Mike Pompeo nih cun, Obama president arak silio ah khan Iran kha arak tlawnh i,thau lakin arak cawm mi hna ansi tik ah,an palhnak kha a hmuh ter lo i, The Trump Administry hi cu Obama bantuk menmen kha cu kan si ti lai lo i, Obama le Biden hna bantuk in Iran hi kan dawr ti hna lailo tiin a chim ve cang.

Hman tein ka chim ah cun, kani donak hi JCPOA a hram thawkka tein a chuak mi asi cang tiah achim. Mike Pompeo nih hin Obama konglam hi chim dih hlah hmanhsehlaw, Politic kal ning cu nan theih ko lai dah. Obama konglam fiang tein a thei mi nih cun, nan theih thiam dih ko lai. Mike Pompeo nih cun ,Iran Gen.Soleimani thihnak nih cun vawleicung 100% in daihnak a um lai tiin a chim.

CNN Host Todd nih cun Iran nih phuba alak na zum maw tiah halnak cu, Mike Pompeo nih cun, President Trump nih hin, American hi venhim a timhtuk mi asi caah, Iran nih phuba laknak le laklonak cu amah nawl asi ko lai tiah a leh i, President Trump nih fiang tein a chim ko cang kha, Iran nih akan kah siah cun rangtukin leh cawlh asi lai tiah a chim ko cang kha tiah a leh mi hna cu asi.

UK Prime Minister Boris Johnson zong christmas hmang ding in caan saupi khual a tlawng i, a MP hna nih cun,arannak in rak tlung cang dingin an cah i,a ruang cu, Trump nih Iran Gen.Soleimani a thah caah a si ti si i, sunday ah khan a tlung ve cang tiah theih asi.Boris Johnson nih cun London a phanh hnuin, Mr.Trump, France President Emmanuel Macron, le German Chancellor Angela Merk te hna cu a chawnh hna i, “General Soleimani kha kan ram le miphun hna caah ttihnungtuk mi asi i, a thihnak ruangah hin UK nih cun,a pawi tinak kan ngei lo i, hi pa ruangah hin mi tamtuk sualnak a ngeilo mi nunnak a liam cang tiah a ti hna tiah theih asi.

Hi thihnak ruangah hin zei ram hmanh nih phuba lak lo ah a ttha lai i, hau hmanh nih i do dingin an duh tilo tiah a chim fawn ti si. Post dangah Kenya i US ralkap a thi mi hna le Iran nih Soleimani an faknak konglam hna rak langh ter ka zuam te lai. chininternationalnews

Be First to Comment

Leave a Reply

Your email address will not be published. Required fields are marked *