Press "Enter" to skip to content

Benjamin Sum Fans Pawl Nih Benben Caah Phaisa Tam Taktak An Hmuh Piak Cang

Myanmar Idol Season 4 zuamnak ah ai tel mi chin tlangval lar taktak Benjamin Sum hi a fans pawl nih thazaang an pek ngaingai ti hi fiang tein hmuh khawh a si. Idol Winner a ngah lo nain an thinlung chungah cun hmunhma a ngei ngaingai mi tthenkhat le bang nih cun Winner na si lo nain kan thinlung ah cun Winner na si ti tiang in an ti phah. Falam pawl le thazaang petu hna nih Benjamin Sum Support peknak caah Fund an kawl piak i, Ting 270 leng a chuak cang tiah thawng kan theih.

American ram Indianapolis ah a ummi Dave Biak timi a si i zei dang caah si loin Benjamin Sum nih hmailei a nuh ping ngia lei rian a ttuannak ding ah an si khawh chung in bawmhnak pek an duh ruangah an tuahmi si.

Benjamin Sum cu Myanmar Idol Season 4 in Finalist in tla hmanh sehlaw,Chin miphun cheukhat kan caah cun Winner a si ve t’hiam ko.a aw zai lawng hlah a nun hrimhrim khi cawn awk tampi a um.zeicatiah Ben Ben nih hringtu a nu a zoh khenh ning le Pathian a t’ih ning,a cawlcangh ning vialte khi mipi nih cawn awk tlak taktak ah ka ruah.

Cun,a tutan ah Salai Benjamin Sum caah laksawng peknak bawm an tuah piak ning le an itinh ningah cun Dollar 20,000 leng cu a chuak lai tiah ruah a si rih. suimilam 24 tluk ah a chuak zat ruah tik ah le a tu tiang ah a lut mi ruah pin ah, cun hi hnu a lut nawlh lai ding mi van ruah chih ah cun, an i tinh ning leng in a chuak te lai tiah ruah a si. Nang cu Halkha,kei cu Falam timi biafang hna hi Chin miphun t’hanchonak a kan dawn khantu taktak a si caah,cu bantuk biachim cu a ngol in ngol cang hna usih.

Be First to Comment

Leave a Reply

Your email address will not be published. Required fields are marked *