Press "Enter" to skip to content

Benben A Nu Lal Din Par Chuahsemnak Khua Phinkhonegyi Ah An Kal Nak (+Hmanthlak tampi)

January 7, 2020 ah khan a nu Lal Din Par chuahsemnak khua phinkhonegyi ah sunglawi taktak in caan an va hmang. Khualuhnak bak in lampi kam bak ah nungak tlangval, nu le pa, ngakchia an si ah an rak i tlar i sunglawi taktak in an rak don.

Hmunrawn pakhat ah hlunghlai taktka in, caan hmannak zong an ngei i cu caan an hmannak ah cun Benjamin Sum nih cun hla fung 3 bak a sak piak hna. Pyinekhonegyi mipi pawl nih sunglawi taktak in an don i Vok an thah.

Zaanlei suimilam 2:00pm in 5:00pm tiang cu an hmunlai vengpi Baptist Church ah caan an hmang. January 8,2020 (Wednesday) zinglei zazi 9:00am – 10:00am cu kum 9 chung sianginn a kainak GCEC ah caan a hmang i, 10:00-12:00 (Noon) in Computer University ah caan a hmang tthan. Zaanlei zazi 3:00pm ah Yangon a kir tthan lai.

Thawngpang dang relchap <<<< Ani Umnak Dingah Ni Tlawmpal Te Ai Duh Cang Nain A Darling Cu Accident In A Nunnak A Liam Thailand ram ia um mi, Tlangval Chainarong Boochaem le Nungak Wataka Poolcham hna hi a kawmtuk mi le a duh taktak mi an si i, an rak i timhnak ah cun January 3 kum 2020 ah khan i um dingin an rak i timh mi a si tiah theih asi. ti cun tlangval Chainarong le Nungak Wataka hna cu, January ni 1 ah khan,i hamnak an ngeih i, an hmanthlak hna zong cu facebook leiah an langh ter cang tiah an chim.

Vanchiattuk ah, anungak nu cu i hamnak an tuah dih hnu in, inn leiah a ttin pah ah cun, accident a tawng i anunnak a liam tiah theih mi cu asi i, a motor cit mizong arawk dih ti si. amah hi sizung leiah kalpi asi nain,anunnak cu chanhkhawh asi tilo tiah an chim. Hi bantuk thil a tawntikah hin,a tlangvalpa cu, a ngaih achiatuk i, a ngaihchiatnak bia zong a langh ter cang tiah an chim.

A Nungaknu a dawttuk mi le a philhkhawh hnga loding minu he cun, an biakam cu hlawhtlin ter aduhtuk caah cun, Wataka ruakkuang cungah cun January ni 3 niah khan i ttit umnak puai cu a tuah ti si. Hi bantuk in i tthit umnak puai an tuahnak hmanthlak cu facebook leiah cun a langh ter i, anungaknu Wataka cu zeitik hmanh ah a philhkhawh lai lonak bia le a thih hnu zongah,i tawng tthan dingin bia a cah ti si.

Hi bantuk thil a tawn mi ruangah hin, Chainarong cu, Commentnak lei zongah mipi nih an zaangfahtuknak bia an langh ter i, an hnemh len ve tiah theih asi. Ka nupi ham mi he hin zeihmanh nih akan tthen lai lo tiah a langh ter i, Hi bantuk a tawng mi hna hi, vawleicung ah an um set lo i, 100 ah pakhat hrawng an um lai tiah media nih cun an chim mi cu asi. chininternationalnews

Be First to Comment

Leave a Reply

Your email address will not be published. Required fields are marked *