Press "Enter" to skip to content

Australia Inn Kang Ah Chin Tlangval Pakhat A Nunnak A Liam I Hringtu A Pa Nih A Chanh Nak Ah A Pa Zong Hliamhma A Tuar

Tuzing August 1 ah khan Australia Adelaide i inn Kang mi ah Chin Tlangval Salai Bawi Lian Hup kum 26 a si mi a thi tiah 7 News Adelaide nih thawng a thanh.

Salai Bawi Lian Hup cu Zan i riantuan mi a si i, nizan kha a hawipa he an inn pawng ah inn hmete a um i cuka ah cun an riak ti. A hawipa cu zingka te in a tho i inn ah a lawi hmasa i, Bawi Lian Hup cu Nazi 12 ah Inn a Kang i culio ah cun inn Chung anum lio a si innpi i a um mi nih meikangh cu an van theih tik ah an va fuh cu mei a kangh nih a fah tuk cang caah va luh hnawh khawh le va chanh khawh a si ti loh.

A pa nih cun a ti khawh Chung in a fapa chanh ding ah meikang lak cun a va luhhnawh Len nain a chanh kho ti loh a mah Tu mei nih a kangh chih i hliamhma a tuar caah Sizung ah an kal pi. Tu dirhmun ah cun a pa zong Doctor nih an thlawp in damngai in inn lei ah an lawi pi cang ti a si.

Zeiruang ah dah Mei hi a kangh ning a si, Zeitin dah Bawi Lian Hup a um nak hi a kangh ning a si tihi a tutiang an hlathlai Len nain an theih kho rih loh. Bawi Lian Hup ruang cu palik nih Sizung ah a ruak cu check ding in an kalpi colh. Apa cu Pu Sa Tin Sum a si i, Myanmar Ngaihhlan i a rak um mi, New Delhi in Australia Adelaide ah a kal mi an si.

Be First to Comment

Leave a Reply

Your email address will not be published. Required fields are marked *