Press "Enter" to skip to content

An Nih 2 Zong MMA Ah I Tthua Dingin An Lung A Tling Ve Ve Cang!!

Brazil miphun Romario dos Santos Alves le Ireland miphun Sajad Gharibi cu MMA ah i tthua lawlaw dingin lung tlinnak an ngei cang tiah theih a si. A hlan piin hi hna 2 hi biaka in online ah an rak i ngiar cang i Gharibi nih hin a pumrua a tthat dan cu internet ah a rak share i a mah he ai tthua ngammi cu a rak kawl.

A donghnak ah Brazil miphun pa tthawng an timi Romario nih i tthuat dingin a ngamh cu a si. Pe(foot) 6 le lehmah(inch) 2 a sangmi Gharibi hi 175 kg a rit i Romario cu pe 5 le lehmah 8 lawng a si i 104 lawng a rit.

Cu caah 120 kg a tling hnu lawngah i tthua dingin Romario nih a hal ve. Romario hi pa derte a rak si i security a rak ttuanmi a si. A der tuk caah a lung ai rawk i kum 10 chung gym a la hnu ah a body cu ttihnung tiangin a ngan cu a si.

Cu pinah titsa ngannak sii zong ai chun caah a rak zaw i sau lakte a rak dam loh. Cu hnu cun sii i chun ti loin gym lawng a la cang. An i tthuat te ding a hmun le a caan hi theih a si rih loh i MMA(Mixed Martial Arts) ah a si te lai tiah cun theih a si.
REF: Burmese Asia

Be First to Comment

Leave a Reply

Your email address will not be published. Required fields are marked *