Press "Enter" to skip to content

A Sunglawi tuk hringhran – Hringtu Nu bik cu Cancer Zawtnak in a Dam caah an Chungkhar in Jesuh hnu an Zul – Mulim Nu Testimony

Hnuk cancer in a zaw mi Muslim nu cu a zawtnak cancer in damnak tling a hmuh caah Jesuh Khrih cu an kan tlanhtu a si tiin an pawm i Jesuh zultu tha ah an i chuah. Muslim biaknak a si mi Fatima Haneef chugkhar konglam hi mipi nih an ngaihven taktak mi thil ah ai chuah. An konglam cu hiti hin a si.

November, 2000 ah khan Qaran le Bible cawng dingin ka pa le ka u he Abu Dhabi khau pakhat ah kan kal. Cu lio ah cun kan chungkhar cung ah khuaruahar Thiangthlarau cu ai phuan caah Jesuh cu damnak tling a ngeituk le an kan khamh tu a si tiin kan chungkhar nih kan zumh i cu lio thawk cun Jesuh cu a tu tiang kan zulh thai i a zungzal in kan zulh fawn lai tiin a chim.

A ka hringtu ka pa hi zu le sa he ai ciah ngaingai mi a si, ka upa zong ka pa bantuk thiamthiam cu a si ve. kan chungkhar hi kan i nuam bal loh i kan zaw pah lengmang fawn, ka nu zong hi hnuk cancer zawtnak in a zaw mi a si. Kan in chungkhar cu muihnak lawng te in a khat, nuamhnak a leng kho loh.

Ka nu cu Father James Manhackal nih thla a camh i cu a thlacam nak thawng cun ka nu ruah lo piin damnak a hmu. A cancer zawtnak in damnak a hmuh tik ah kan khuaruah a har taktak. Docte te nih ka nu cu zeitindah a dam khawh e tiin an kan hal i kei nih cun zeibantuk si hmanh nih a damh loh a nung mi Pathian Jesuh nih damnak a pek mi si tiin ka leh hna. Cun keimah nih ka ngeih mi vun zawtnak zong Jesuh nih a ka dam ter i ka u le ka pa zong zu tama an si nak hmun in Jesuh an zumh hnu ah cun zu voikhat hmanh an ding ti loh, Kan chungkhar caah cun Jesuh kan Pathian hi a sunglawi tuk hringhran. Hi kan damnak vialte le kan thluachuah vialte hi zeitik hmanh ah kan philh ti lailoh tiin an fanu te nih cun a chim.

Voikhat cu ruah lo piin ka paw a fak tuk i ka hawi le nih cun doctor sin ah kan in kalpi lai an ka ti nain ka duh loh i ka pa kut cu ka paw cung ah ka chiah i thla campiak dingin ka pa cu ka fial. Cun ka pa nih thla a ka campiak i ka paw a fak mi vialte cu a dam colh. Cu tluk cun Pathian nih hin an kan dawt i an kan ven caah thangthat loin kan um kho loh i nitin zantin Bible relnak le thlacamnak in kan caan kan hmang tawn tiin a chim chap fawn.

Kan hnu lei te zong ah khan kan zuat mi tuu pathum an tlau i kan lungre a thei tuk i Pathian sin ah thla kan cam i a rauh hlan nung dam in kan tuu pathum cu anmah tein an rak lawi than. Nifatin Jesuh he kan um ah cun zeizong vialte hi kan tei khawh ko lai tei khawh lomi a um loh tiin “FAtima Haneef” i a testimiony cu UAE Website ah rel khawh a si.

Be First to Comment

Leave a Reply

Your email address will not be published. Required fields are marked *