Press "Enter" to skip to content

A Nupi Naupawi Lio Mi A Paw A Ah- Piak Pa Maw Si Nu Ti Zoh A Duh Ruang Ah

India, Uttar Pradesh patung pa nih a nupi naupawi lio mi paw a ah piak i, nu maw a si pa dah a si hnga tiah zoh ai timh ruang ah an tleih. Fanu 5 an nei cang i fapa neih a duh tuk ruang ah hiban tuk thil a tuah mi hi a si tiah a nupi chunglhat pawl nih taza an cuai.

A nupi kum 35 minung cu hliamhma faktuk a tuar i a thuhi Bareilly hospital ah an tuamhlawm cuahmah lio a si. A naupawi mi cu thla 7 a tling cang, chungkhar pa bik a ai mi Pannalal zong buainak an tuahpiak bantuk in an tleih colh.

India ramah naupawi lio mi nih an pawi mi hi nu maw si padah a si timi theihter hi an siang loh. pa neih an duh tuk ruang ah nu a si ah cun an fa hi an thlak lengmang.

Nu tleihhrem timi thawngpang chia zong hi theih ding a um zungzal tawn i, a bik in Uttar Pradesh ramchung ahhin a tam khun ti a si. 2018 kum ah Uttarakhand state chung i khua 132 ah nu naute a nei mi an um lo ruangah nawl nei tu pawl an khuaruah a har tuk.

Thla 3 chung ah naute 216 an chuak i an zatein pa long te an si, Accredited Social Health Activist’ (ASHA) pawl nih thil hman lo a um lai (nauthlak) ti an zumh ruangah an dothlat cuahmah lio.

Credit : .Meifar

Be First to Comment

Leave a Reply

Your email address will not be published. Required fields are marked *