Press "Enter" to skip to content

A Fak Tuk E : Celh Ding Bak A Si Loh Mucu A Kai Liomi Kum 4 Nute Cu Tikhur Ah A Tla I A Nunnak A Liam Ruangmang

Kum 5 a lut deng cang i an inncar an tikhur ah a nu he an i kholh tti ko lioah a tla sual cu a si. A nu inn chung a luh karte ah a si i baltin in ti than ai timhnak ah a tla.

A nu nih inn chung a luh lai ah tikhur rak zoh hlah mu tiah a ti ta ko nain hngakchia kan ti cu an zer i a nunnak a liam cu a si. Upa caah cun thih awk tlakin an tikhur hi a thup lo nain hngakchia caah cun nunnak latu a rak si cang. REF:Myanmar(Tamiang state)

Khah mah thawng hi van bih tthan hna usih

Thantlang Khuachung Phungninglo Hnawmhlonh Mi A Hmutu Nih Phuan Ah Cun Lawmman 50% An Pek Hna Lai

Thantlang khuachung thianhlimhnak kongah phunning lo le daithlang tuk in hmun hnawm a hlonhmi hna a hmu i sipin zungah phuannak (report) a rak tuahtu hna cu lawmman laksawng 50% pek nan si lai tiah Thantlang sipin nih July 5 ah nawl a chuah.

Chin ramkulh sipin nawlngeitu hna caanhman tonpumhnak (13/2019) biachahnak 37 (q)ning bantuk in khua chung thianhhlimhnak le riantuan lio ah phungning lo in hmunhnawm a thle in a hlonhtu hna a hmumi nih thawngthanhnak a kan tuahmi cu dantatmi chungin 50% cu lawmman laksawng pek an si nak lai biachahnak an ngeih mi cu July 1 ah Thantlang khua zong theihternak ca kuat an si.

Cucaah Thantlang khuachung zong ah phungning lo in hnawm a thle tu hna zong fakpi in dantat an si lainak kong, hnawm an thlet a hmu mi nih a tanglei pehtlaihnak (ph: 070-60096, 09897090310, 09454477440) le zungah phuannak (report) tuah khawh a si nak cathanh chuah mi ah aa tel.

Cubantuk in khuachung lampi pawngkam dawrkhan le inn chungkhar khuasa mi hna nih hnawmbawm ah hman mi, Caku bawm, Sala-eih le Thingngiah chiahnak bawm cu hman ti lo ding le, khuapi he aa tlakning in hnawm bawm tha mi tein July 6 hlan ah nan thlennak lai, zohfelnak ngeih tik i a thleng lo mi cu fakpi in dantat an sinak lai le nan inn le dawr hmai cio thianhhlimhnak nan tuah dih cio nak lai tiin Thantlang sipin nih thawngthanhnak a tuah.

Be First to Comment

Leave a Reply

Your email address will not be published. Required fields are marked *