Press "Enter" to skip to content

A Cu Ngelcel Cu Aw : A Inn Ah A Dortermi Khualpa Nih Inn Ngeitu Nu Cu A Sualpi Diam Ko

A pasal khual a tlawng kar a si i a mah lawng inn ah a um hi hi pa nih thei seh law a lo. Zan 1 te lawng na inn ah ka dorter tiah a nawl. Nu lawng ka si caah ai dawhcah lo tiah a leh.

A nawl chih peng caah a zaangfak i a dorter. Zing 2 ah a tho i hi nu room kutka cu a va kingh. Sinain hi nu nih kutka a onh loin zei dah tiah a hal. Ka kal cang lai kai lawm tuk tiah chim ka duh le tiah a leh. Hi nu nih aw si maw a ti i caah kutka a on bak ah a tengh colh.

Na au ahcun kan thah lai a ti i voi 4 tiang bak ai nolh hnu ah a zam colh nain a thaizing ah bus cungah ai hnglih lioah an tleih. REF:Myanmar(Karan)

Thawngpang dangrel chap >>>>>>

Paletwa Le Rakhine Ramkulh Chung I Kahnak Ngol Ding In Yangon Ah Duhnak An Langhter Lai

Chin ramkulh Paletwa peng le Yakhine ramkulh ah a cangmi AA ralkap le Myanmar ralkap kar i kahnak ngol ding in mizapi cawlcanghnak Yangon um Chin mizapi nih July 13 ah duhnak an langhter lai tiah theih a si.

Yangon um Chin mizapi nih July 13 zinglei suimilam 10:00, Aung San Stadium tual hmai le tlanglawng innpi hmai ah i ton in tawlreltu committee nih chuahmi vinyl, poster pawl i tlaih in lam kan zawh lai. Cun, Town Hall hmai Maha-Bandulah pangpar dum hmai ah biachimnak zong pehzulh in kan tuah lai tiah hruaitu pakhat a simi Salai Ceu Bik Thawng nih a chim.

Salai Ceu Bik Thawng nih, “Paletwa ah a ummi Chinmi le Yakhine ramkulh ah a ummi Chinmi zong ral a zammi 8000 tluk an si cang. Ral ruang ah harsatnak, sunghnak le hliamhma tuar le a thimi tibantuk a phunphun in nuhrin covo buarnak pawl a um. Cu ruang ah biapi a simi phu hnih AA ralkap le Myanmar ralkap karlak i kahnak ngol ding in duhnak kan langhter lai. Chin mizapi halnak au thawng hi tuanvo ngeitu phu hnih nih a biapi in zawnruahnak he an kan ngaihpiak lai in an kan tawlrelpiak ko lai ti kan i ruahchan. Cuti si lo in anmah nih mit an kan chinh khanh ahcun Chin mizapi nih ngaithiam kho lo in kaphnih caah a tha kho lai lo” tiah a chim.

A luancia caan zarh ahkhan AA ralkap nih tlaihmi Kintalin khuami chung in 12 an luat i atu AA ralkap sakhaan ah Kintalin khuami 39 an tang rih theih a si.

Be First to Comment

Leave a Reply

Your email address will not be published. Required fields are marked *